नेपियर गिन्नी गवतापासुन बनवणार जैविक इंधन : ढवण
व्हिडीओ : नेपियर गिन्नी गवतापासुन बनवणार जैविक इंधन.
आरडगांव प्रतिनिधी/ राजेंद्र आढाव : राहुरी तालुक्यात लवकरच जैविक इंधन प्रकल्प उभारला जाणार आहे.या प्रकल्पासाठी आवश्यक असलेला कच्चा माल हत्ती गवताच्या जातीतील सुपर नेपियर गिन्नी गवतापासुन जैव इंधन निर्मिती करणार असल्याची माहिती पारनेर एम.सी.एल.आरगॅनिक्सचे अध्यक्ष संतोष ढवण यांनी दिली आहे.
आज संपूर्ण जग प्रदूषण कमी करण्यासाठी तसेच त्याच्या ऊर्जेचा पुरवठा सुनिश्चित करण्यासाठी अनेक संशोधन करून आवश्यक पावले उचलत आहे. या क्रमाने, जगातील सर्वात वेगाने वाढणाऱ्या अर्थव्यवस्थांपैकी एक भारतात लवकरच जैवइंधन तयार करणार आहे. हे इंधन स्वयंपाकापासून ते औद्योगिक क्षेत्रासाठी देखील वापरले जाऊ शकते. केंद्रीय परिवहन मंत्री नितीन गडकरी यांच्या संकल्पनेतून अशा स्वरुपाचे प्रकल्प महाराष्ट्रातील प्रत्येक तालुक्यात निर्मितीचे स्वप्न आहे.
राहुरी तालुक्यातील शेतकऱ्यांना या जैव इंधन प्रकल्पाचा निश्चितच लाभ होणार आहे.यामुळे शेतकऱ्यांनी स्वयं स्फुर्तीने सभासद नोंदणी अभियानात सहभाग घ्यावा.जेणेकरून लवकरात लवकर हा प्रकल्प सुरू होण्यास मदत होईल,असे आवाहन आरगॅनिक्सचे महेश महाराज खाटेकर यांनी केले आहे.