श्रीरामपूर | बाबासाहेब चेडे : तालुक्यातील हरेगाव येथे उद्या दि. २१ जानेवारी रोजी ग्रामपंचायत हरेगाव व युनिटी आय हॉस्पिटल श्रीरामपूर यांच्या सौजन्याने मोफत नेत्र तपासणी व मोतीबिंदू शस्त्रक्रिया शिबीर सकाळी १० ते ५ वाजेपर्यंत बाजारतळ, ग्रामपंचायत हरेगाव या ठिकाणी आयोजित करण्यात आल्याची माहिती ग्रामपंचायत सदस्य सुनील शिणगारे यांनी दिली.
या शिबिरात मोतीबिंदू, डोळ्यातून पाणी येणे, चक्कर येणे, डोळ्यात पडदे येणे, धुरकट दिसणे, डोळ्यात लाली असणे, लासूर, डोळ्यात टिक असणे, काच बिंदू, डोळ्यामधील तिरळेपणाची तपासणी आदी विकारांवर मोफत तपासणी करण्यात येणार आहे. यावेळी नेत्ररोग तज्ञ डॉ निलम अग्रवाल, एमएस ह्या तपासणी करणार आहेत. फेको मशिनव्दारे शस्त्रक्रिया उपलब्ध आहे. या शिबिराचा हरेगाव ग्रामस्थांनी लाभ घ्यावा असे आवाहन डॉ. भारत गिडवानी, डॉ. निशिकांत चव्हाण, नामदेव जगताप, सुनील शिणगारे, सरपंच दिलीप त्रिभुवन आदींनी केले आहे.
