श्रीरामपूर | बाबासाहेब चेडे : तालुक्यातील उंदीरगाव हनुमान मंदिर येथे सद्गुरू योगीराज गंगागिरी महाराज, ब्रम्हलीन सद्गुरू नारायणगिरी महाराज, गुरुवर्य महंत रामगिरी महाराज [श्रीक्षेत्र गोदाधाम बेट] तसेच गुरुवर्य महंत भास्करगिरी महाराज [देवगड] यांच्या आशीर्वादाने अखंड हरीनाम सप्ताह व ग्रंथराज ज्ञानेश्वरी पारायण सोहळा तसेच भव्य कीर्तन महोत्सव ३० एप्रिल पासून प्रारंभ होणार असून ७ मे रोजी महोत्सवाची सांगता होणार आहे.
रोज पहाटे ४ वा.काकडा भजन, विष्णू सहस्त्रनाम, सकाळी ७ वा. ज्ञानेश्वरी पारायण, संध्या.६.३० वा. हरिकीर्तन होईल. दि.३० एप्रिल रोजी ह.भ.प जगन्नाथ महारज पाटील भिवंडी यांचे कीर्तन, १ मे- ह.भ.प. साध्वी सोनालीदिदी करपे, २ मे- ह.भ.प. रामकृष्ण महाराज लहवितकर, ३ मे- ह.भ.प. अक्रूर महाराज साखरे, ४ मे- ह.भ.प. सोपान महाराज सानप शास्त्री, ५ मे- ह.भ.प. रुपालीताई सवने, ६ मे- ह.भ.प. महंत स्वामी श्री प्रकाशानंदगिरी महाराज, दि. ७ मे रोजी ह.भ.प. महंत रामगिरी महाराज [श्रीक्षेत्र गोदाधाम] यांचे काल्याचे कीर्तन व सायंकाळी ४ वा. महंत रामगिरी महाराज यांची भव्य रथयात्रा मिरवणूक व महाप्रसाद होणार आहे. व्यासपीठ चालक ह.भ.प. माउली महाराज गुंजाळ राहतील. या महोत्सवात सहभागी होण्याचे आवाहन समस्त ग्रामस्थ व भजनी मंडळ, उंदीरगाव यांनी केले आहे.
