मराठा प्रतिष्ठान भवन हे श्रीरामपूर नगरीचे वैभव वाढविणारे-महंत भास्करगिरी महाराज

श्रीरामपूर/बाबासाहेब चेडे : कोणतेही सार्वजनिक काम असले तरी ते गावच्या नगरीचे वैभव वाढवणारे असते. आज सर्व पक्षाचे नेते आहेत. सर्व पक्ष सर्व जाती मिळून गावाचे वैभव वाढवायचे असते. पक्ष पक्षाच्या ठिकाणी व जात जातीच्या ठिकाणी असते. ही संतांची भूमी आहे. ज्या ज्या वेळी राजे महाराजे हतबल झाले त्यावेळी संतानी समाजाला सुविचार दिले. आपली संस्कृती आपले संस्कार टिकवून देशाचे वैभव अबाधित ठेवले. जेथे कमी तेथे आम्ही असे सत्ताधीशांचे कर्तव्य आहे. येथे जात कुठलीच नाही, सर्व जाती, धर्म, पंथ हे विचार प्रणाली आहेत. या मार्गाने जाणारी माणसे आहेत. सर्वांच्या अंत:करणात माणुसकी निर्माण करणे व माणसाने माणसाला साथ देऊन माणसासारखे जगणे. त्यासाठी सर्व जातीतील धर्माचार्याने महान कार्य केले आहे. आपल्याला प्रथम देशहित नंतर पक्षहित, कार्य करणे आहे, जे जे जाती धर्माचे माणसे राहतात, त्यांना गुण्या गोविंदाने नांदवणे हे वरिष्ठांचे काम आहे. देशात मंदिरे आहेत, मंदिरात देश नाहीत, म्हणून देश सुरक्षित ठेवणे, देशाची सर्व सुविधा कायम ठेवणे, ती सर्व पक्षाची, धर्मपंथाची जबाबदारी आहे, आपन भारत मातेची लेकरे आहोत. जे जे काम राहील त्यावेळी एकत्र आले पाहिजे. हे प्रतिष्ठान विशिष्ट जातीसाठी नसून समाजासाठी नसून इतरांच्या सुखासाठी आहे हे लक्षात घेतले पाहिजे. छत्रपती शिवाजी महाराजांनी सर्वांना बरोबर घेऊन कर्तव्य बजावले. ह्या प्रतिष्ठानचे काम लवकर होत राहो, ज्यांनी जागा दिली त्यांचे अभिनंदन करतो. श्रीरामपूर नगरी आपल्या हातून अधिकाधिक सर्व प्रकारांनी चांगली व्हावी ही प्रभू चरणी प्रार्थना करतो असे प्रतिपादन श्रीक्षेत्र देवगड मठाधिपती श्री दत्त देवस्थान प.पु गुरुवर्य ह.भ.प. भास्करगिरी महाराज यांनी श्रीरामपूर थत्ते मैदान जवळ झालेल्या मराठा प्रतिष्ठान भवनच्या भूमिपूजन प्रसंगी केले.

याप्रसंगी ऋषीकेश डावखर, दिलीप काळे, विधिज्ञ अरुण लबडे, विठ्ठलराव पवार, संजय टेकाळे, रवींद्र पवार, संजय छल्लारे, सिद्धी विनायक कलर वर्ल्ड, दीपक कोळसे, दीपक निंबाळकर, उंडे पा.अग्रो, आशीश धनवटे, अनुराधाताई आदिक, धनंजय पवार, विधिज्ञ प्रमोद वल्टे, सुनील चोथे, खा सदाशिव लोखंडे, डॉ अरविंद बडाख, बाबासाहेब मोरगे आदींनी भवनास देणग्या दिल्या.