कृषि विज्ञान केंद्र दहिगाव ने “सर्वोत्कृष्ट केव्हीके सादरीकरण पुरस्कार” ने सन्मानित

मागील वर्षाचा प्रगतीचा अहवाल घेण्यासाठी आणि पुढील वर्षाच्या कृती आराखड्याला अंतिम रूप देण्यासाठी दरवर्षी आय.सी.ए.आर.-अटारी पुणे तर्फे ‘वार्षिक क्षेत्रीय कार्यशाळा’ आयोजित केली जाते. त्या दृष्टीने यावर्षी आनंद कृषी विद्यापीठ, आनंद, गुजरात येथे ७ ते ९ जुलै २०२२ या कालावधीत वार्षिक क्षेत्रीय कार्यशाळेचे आयोजन करण्यात आले होते. या कार्यशाळेचे उद्घाटन डॉ. ए. के. सिंह, उपमहासंचालक (कृषी विस्तार), आय.सी.ए.आर, नवी दिल्ली यांनी केले. सदर कार्यक्रमास डॉ. के. बी. कथेरिया, कुलगुरू आनंद कृषी विद्यापीठ, आनंद, परमपूज्य आराध्य कडसिद्धेश्वर स्वामीजी अध्यक्ष कणेरी मठ, कोल्हापूर, डॉ. झेड. पी. पटेल, कुलगुरू, नवसारी कृषी विद्यापीठ, नवसारी, गुजरात, डॉ. आर. एम. चौहान, कुलगुरू, एस. डी. कृषी विद्यापीठ, एस. के. नगर, गुजरात, डॉ. एन. के गोंटिया, कुलगुरू, जुनागड कृषी विद्यापीठ जुनागड, गुजरात, डॉ. लखन सिंग, संचालक आयसीएआर-अटारी झोन-८, पुणे, तसेच आयसीएआर अंतर्गत विविध संस्थांचे संचालक, महाराष्ट्र, गोवा आणि गुजरातमधील एकूण ९ कृषी विद्यापीठांचे विस्तार शिक्षण संचालक, आनंद कृषी विद्यापीठाच्या विविध विभागांचे विभाग प्रमुख व इतर मान्यवर उपस्थित होते.

कृषी विज्ञान केंद्र प्रगती अहवाल व कृती आराखडा अंतिम करण्यासाठी ४ समांतर सत्रे झाली. त्यामध्ये कृषी विज्ञान केंद्र, दहिगावचे प्रमुख व वरिष्ठ शास्त्रज्ञ डॉ. श्याम सुंदर कौशिक यांनी २०२१ चा वार्षिक प्रगती अहवाल आणि २०२२ चा कृती आराखडा आढावा समितीसमोर सादर केला. कृषी विज्ञान केंद्र, दहिगाव-ने च्या उत्कृष्ट कामाची प्रगती आणि सध्याच्या काळातील कृषी उदा. नैसर्गिक शेती, शेतीमध्ये किसान ड्रोनचा वापर, जैविक कीटकनाशकांचा वापर, शेतीमध्ये माहिती आणि तंत्रज्ञानाचा वापर (ICT,s), विशेषत: मोबाइल ॲप्स- ऊसतंत्रकेव्हीकेडी, कापूसतंत्रकेव्हीकेडी, डाळिंबतंत्रकेव्हीकेडी आणि कांदातंत्र केव्हीकेडी कृतीत लक्ष वेधून घेते कार्यशाळेदरम्यान त्यांची प्रगती आणि कृती आराखडा सादर करणाऱ्या सर्व केव्हीके पैकी दहिगाव ने यांना “सर्वोत्कृष्ट केव्हीके सादरीकरण पुरस्कार” प्राप्तकर्ता म्हणून घोषित करण्यात आले. डॉ. व्ही.पी. चहल, सहाय्यक महासंचालक (कृषी विस्तार), आय.सी.ए.आर, नवी दिल्ली यांच्या शुभहस्ते कृषि विज्ञान केंद्र, दहिगाव-ने साठी डॉ. श्याम सुंदर कौशिक प्रमुख आणि वरिष्ठ शास्त्रज्ञ यांना हा पुरस्कार प्रदान करण्यात आला.

यावेळी डॉ. के. बी. कथेरिया, कुलगुरू आनंद कृषी विद्यापीठ, आनंद, गुजरात, डॉ. लखन सिंग, संचालक आयसीएआर-अटारी झोन-८, पुणे, आयसीएआर संस्थांचे विविध संचालक, महाराष्ट्र, गोवा आणि गुजरात मधील विविध राज्याचे कृषी विद्यापीठांचे विस्तार शिक्षण संचालक व पूर्ण सत्रादरम्यान ८२ 

केव्हीके चे वरिष्ठ शास्त्रज्ञ व प्रमुख तसेच इतर मान्यवर उपस्थित होते. कृषि विज्ञान केंद्र, दहिगाव ने देखील “शास्त्रीय मधुमक्षिका पालन ” या विषयावर प्रशिक्षण पुस्तिका प्रकाशित केली. कृषि विज्ञान केंद्र दहिगाव-ने ला “सर्वोत्कृष्ट केव्हीके सादरीकरण पुरस्कार” मिळाल्याबद्दल श्री.मारुतराव घुले पाटील शिक्षण संस्थेचे अध्यक्ष मा.आ. डॉ.नरेंद्र घुले पाटील, मा.आ.चंद्रशेखर घुले पाटील, उपाध्यक्ष. मा.आ.पांडुरंग अभंग, शेवगाव पंचायत समितीचे सभापती डॉ.क्षितीज घुले पाटील, संस्थेचे सचिव अनिल शेवाळे, रविंद्र मोटे सर्व विश्वस्त मंडळ यांनी केव्हीके टीम चे अभिनंदन केले.