खुल्या जागेवर दोन संकरीत गाईंचे मृतदेह दिसुन आल्याने राहुरीत गुन्हा दाखल

सविस्तर माहिती अशी की, राहुरी सीमेन स्टेशनच्या जवळ नगर मनमाड हायवेच्या वरवंडी गावाकडे जाणार्या कच्च्या रस्त्याच्या कडेला अज्ञात इसमाने दोन संकरीत गाईचे मृत शरीर आणुन टाकल्याची माहिती राहुरी सिमेन स्टेशन येथील सुरक्षा पर्यवेक्षक संतोष चंदनशिव यांनी पशुवैद्यकीय दवाखाना खडांबे ता. राहुरी येथील पशुधन पर्यवेशक सुरेश भाऊसाहेब घुले यांना दिली. माहिती मिळताच श्री घुले यांनी तेथे जावुन खात्री केली असता तेथे दोन संकरीत गाईंचे मृतदेह दिसुन आले. मृत जनावरे खुल्या जागेवर टाकण्यास प्रतिबंधीत करण्यात आले असतानाही सदर आदेशाचा भंग केला म्हणुन पशुवैद्यकीय दवाखाना खडांबे ता. राहुरी येथील पशुधन पर्यवेशक घुले यांनी अज्ञात व्यक्ती विरोधात राहुरी पोलिस ठाण्यात फिर्याद दाखल केली आहे.