विशाल महाराज गडगे यांची संत सावता माळी युवक संघाच्या प्रदेश उपाध्यक्षपदी निवड

विशाल महाराज गडगे यांनी यापूर्वी संघटनेचे पुणे जिल्हा अध्यक्ष पद भूषविले असून कार्यकाळात माळी समाज वधू-वर सूचक मेळावे, महात्मा दिनानिमित्त अन्नदान, वृध्दाश्रमांना आर्थिक सहकार्य, समाजातील प्रसंशनीय व उल्लेखनीय कामगिरी करणाऱ्या मान्यवरांसाठी दरवर्षी संत सावता महाराज कार्यगौरव व महात्मा फुले समाजरत्न पुरस्कार सोहळ्याचे आयोजन आदी नाविन्यपूर्ण उपक्रम राबवले आहेत. तसेच समाजातील विविध प्रलंबित प्रश्नांची सोडवणूक करण्यासाठी शासनदरबारी सातत्याने प्रशासकीय पाठपुरावे केले आहेत. सामाजिक बांधिलकीची जाणीव जोपासत समाजकार्य करणाऱ्या एका सच्चा व उमद्या कार्यकर्त्याची माळी समाजाच्या प्रदेश उपाध्यक्ष पदी नियुक्ती झाल्याबद्दल विशाल महाराज गडगे यांचे सर्वत्र अभिनंदन व कौतुक केले जात आहे.