वरवंडी सह १० गावे पाणीयोजनेसाठी ४३ कोटी ६६ लाखाच्या खर्चास प्रशासकीय मान्यता – आ. तनपुरे

या योजनेला ७ ऑक्टोबर २०२२ रोजी महाराष्ट्र जिवन प्राधिकरण नाशिक समितीने तांत्रिक मान्यता दिली होती. वरवंडी सह तालुक्यातील बाभुळगांव, धामोरी खुर्द, धामोरी बुद्रुक, खडांबे बुद्रुक, खडांबे खुर्द तसेच नगर तालुक्यातील नांदगांव, शिंगवे, देहेरे, विळद आदि वरदान ठरणा-या या पाणी योजनेच्या खर्चास प्रशासकीय मान्यता मिळाल्याने तालुक्यातील वरवंडी, बाभुळगांव, धामोरी खु, धामोरी बु, खडांबे बु. व खडांबे खु. गावांचा पाणी प्रश्न कायमस्वरुपी निकाली निघणार असुन या गावात आनंदाचे वातावरण पसरले आहे. लवकरच या कामाच्या निविदा प्रक्रीया होवुन काम सुरु होईल असे आमदार तनपुरे यांनी सांगितले.

वरवंडी सह १० गावांच्या पाणी पुरवठा योजनेसाठी आमदार प्राजक्त तनपुरे यांनी महाविकास आघाडी सरकार असताना वेळोवेळी पाठपुरावा करत मंत्रालय स्तरावर बैठका घेवुन हा प्रश्न मार्गी लागला आहे. आता पर्यंत मतदारसंघात आपल्या पाठपुराव्यामुळे कोट्यावधी रुपयांचा निधी नवीन पाणी पुरवठा योजनेसाठी मिळालेला असुन प्रशासकीय मान्यता मिळालेल्या योजनांची लवकरच निविदा प्रक्रिया होवुन पुढील प्रत्यक्ष कामांना सुरवात होईल. या नवीन पाणीयोजनेमुळे वरवंडी, बाभुळगांव, धामोरी खु, धामोरी बु, खडांबे बु. व खडांबे खु. येथील ग्रामस्थांनी आमदार तनपुरे यांचे आभार मानुन धन्यवाद दिले आहे.