कृषी
गृह उद्योगासह शेतीविषयक मार्गदर्शन मेळावा संपन्न
राहुरी विद्यापीठ : नेवासा तालुक्यातील सुलोचना बेल्हेकर सामाजिक व बहुउद्देशीय संस्था संचलित कृषी महाविद्यालय भानसहिवरे येथील विद्यार्थिनी कु.सुवर्णा भारत थोरात हिने ग्रामीण जागरूकता आणि कृषी औद्योगिक कार्यानुभव कार्यक्रम २०२१-२२ अंतर्गत महिलांना गृहउद्योगासह शेतीविषयक मार्गदर्शन केले.
आजकाल महिला ह्या नुसत्या चूल आणि मूल न करता पुरुषांच्या खांद्याला खांदा लावून शास्त्रीय व तंत्रशुद्ध पद्धतीने काम करताना दिसत आहे असे थोरात हिने सांगितले. थोरात हिने परिसरातील महिलांना दुधाचे वेगवेगळे पदार्थ – बासुंदी, खवा, पेढे, केळीचे वेफर्स, टोमॅटो सॉस यांसारखे पदार्थ तयार करून जास्तीत जास्त नफा कसा मिळवता येईल यावर मार्गदर्शन केले.यावेळी महिलांनी विचारलेल्या प्रश्नांची तिने समर्पक उत्तरे दिली व त्यांना नवनवीन तंत्रज्ञानाची माहिती दिली.या संपूर्ण कार्यक्रमासाठी तिला महाविद्यालयाचे प्राचार्य डॉ.अतुल दरंदले, कार्यक्रम समन्वयक प्रा. एम.आर.माने, प्रा. सी.के.गाजरे, प्रा. पी. बी.काळे मॅडम या सर्वांचे मार्गदर्शन लाभले.