महात्मा फुले कृषि विद्यापीठाचा डॉ. बाबासाहेब आंबेडकर तंत्रशास्त्र विद्यापीठासोबत सामंजस्य करार

राहुरी विद्यापीठ : महात्मा फुले कृषि विद्यापीठ, राहुरी आणि डॉ. बाबासाहेब आंबेडकर तंत्रशास्त्र विद्यापीठ, लोणेरे, रायगड यांच्यात सामंजस्य करार करणेत आला आहे. उभयंतांमध्ये संशोधन, नवकल्पना, उद्योजकता आणि शैक्षणिक तसेच विद्यार्थी आणि प्राध्यापकांच्या देवाणघेवाणीला प्रोत्साहन देणे हा या सामंजस्य कराराचा मुख्य उद्देश आहे. या माध्यमातून उभयंतांमध्ये तंत्रज्ञान अदान-प्रदान करणेस तसेच उद्योजकता, संशोधन प्रकल्प आणि शैक्षणिक गुणवत्ता वाढीस चालना मिळेल असा विश्वास महात्मा फुले कृषि विद्यापीठाचे कुलगुरु डॉ. पी.जी. पाटील यांनी व्यक्त केला.