नवरात्रोत्सवात महिलांनी आणली २३ किमी पायी प्रवास करून ज्योत

राहुरी शहर | अशोक मंडलिक : राहुरी खुर्द येथील महालक्ष्मी नवरात्रोत्सव मंडळाने उत्सवा दरम्यान सातव्या माळेला नवीनच प्रथा सुरू करून राहुरी तालुक्याचे नाव गर्वाने उंचावण्याचे काम केलेले आहे. या मंडळाने महिलांच्या हस्ते ज्योत आणली. हा कार्यक्रम अतिशय चांगल्या रीतीने व शांततेत पार पाडला.

या कार्यक्रमात राहुरी खुर्द येथील अनेक महिलांनी सहभाग घेऊन या कार्यक्रमाची शोभा वाढवली. हा कार्यक्रम कौतुकास्पद ठरला. या कार्यक्रमात महिलांनी उत्साहाने सोनई ते राहुरी खुर्द असा 23 किलोमीटरचा प्रवास करत आंतर ज्योत पायी घेऊन आल्या आहेत. या वर्षी महिलांनी पायी ज्योत आणायची ही सर्वात चांगली अशी संकल्पना मंडळाच्या अध्यक्षा रंजना अशोक गरड यांनी मांडली होती. या कार्यात त्यांचे सुपुत्र मनोज अशोक गरड व मंडळाच्या उपाध्यक्षा व विद्यमान ग्रामपंचायत सदस्या असलेल्या सौ. अश्विनी सुनील कुमावत यांनी लाखमोलाचे सहकार्य केलेे.