पुण्यश्लोक आहिल्यादेवी होळकर कृषि महाविद्यालयातील विद्यार्थ्यांची कृषि विज्ञान केंद्र नारायणगाव व फिनोलेक्स कंपनीला भेट

राहुरी विद्यापीठ : महात्मा फुले कृषि विद्यापीठ, राहुरी येथील पुण्यश्लोक आहिल्यादेवी होळकर कृषि महाविद्यालय हाळगावच्या सर्व विद्यार्थ्यांना आजादी का अमृतमहोत्सव अंतर्गत कृषि विज्ञान केंद्र, नारायणगाव व फिनोलेक्स पाईप्स इंडस्ट्रीज, पुणे येथे भेट देण्याची संधी उपलब्ध करून देण्यात आली. विद्यार्थ्यांना कृषि विज्ञान केंद्रामार्फत शेतकर्यांना कोणकोणत्या प्रकारची माहिती देण्यात येते, शेतकर्यांच्या दृष्टीने कृषि विज्ञान केंद्राचे महत्त्व, कृषि विज्ञान केंद्रामार्फत राबवण्यात येणारी विविध प्रकल्प या विषयांची माहिती कृषि विज्ञान केंद्राचे मृदा विशेषज्ञ योगेश यादव यांनी दिली.