वृक्षरोपण एक विधी...

राहुरी : सोमवार दि. २ मे २०२२ रोजी वडील कॉम्रेड ॲड एस जी लांबे पा. यांचे हृदयविकाराच्या तीव्र झटक्याने निधन झाले. आमचे वडील त्यांच्या महाविद्यालय जीवनापासून तसे डाव्या विचारांचे. निसर्ग निर्मित घटकांना आपल्या पासून त्रास होवू नये हा त्यांचा विचार. ज्याने त्याने पारंपरिक चालत आलेल्या रिती - रिवाजानुसार वागावे. परंतु विपर्यास करू नये असे परखड मत. पहिल्या पासून कम्युनिस्ट विचारांनी प्रभावित असल्याने अडचणीत असणाऱ्या प्रत्येक घटका सोबत ठामपणे न्याय मिळवून देण्यासाठी उभा असणारे कॉम्रेड ॲड. सिताराम गणपत लांबे... कधी एखाद्या पक्षकाराकडे फि देण्यासाठीच काय तर घरी जाण्यासाठी पैसे नसले तर स्वतःच्या खिशातील पैसे देऊन मदत करणारा कॉम्रेड ॲड. एस.जी.लांबे पा. यांच्या रूपाने मी पाहिलेत.

तत्वनिष्ठ, एकनिष्ठ, प्रामाणिकता आपल्या कामाप्रती एकाग्रता अशा सर्व गुणांनी आयुष्यभर वकिल म्हणून आपली कामगिरी चोख बजावली. अशा या आमच्या सर्वांचे आधारस्तंभ असलेल्या वडिलांची सावली आमच्यावर सदैव रहावी व त्यांच्या विचाराप्रमाणे अंत्यसंस्कारानंतर उरलेली रक्षा / हस्ती नदीच्या प्रवाहात विसर्जित करून नद्यांचे पाणी दूषित करण्यापेक्षा त्याच रक्षा / हस्ती झाडांना समर्पित करून निसर्गातील प्रदूषण टाळून वृक्षरोपण करून आपल्या आवडत्या व्यक्तीला श्रद्धांजली अर्पण करून एक विधी संपन्न केला.

कै. ॲड. एस.जी.लांबे पा. (पपांच्या) विचारांचा वारसा पुढे चालवण्यास बळ मिळो...

शिवश्री देवेंद्र सिताराम लांबे पाटील

राहुरी