हरेगाव येथे २५ नोव्हेंबरपासून अखंड हरिनाम सप्ताह व भव्य कीर्तन महोत्सवाचा प्रारंभ

श्रीरामपूर ( बाबासाहेब चेडे) : तालुक्यातील हरेगाव येथे धार्मिक उत्साहात अखंड हरिनाम सप्ताह, ग्रंथराज ज्ञानेश्वरी पारायण सोहळा आणि भव्य कीर्तन महोत्सव दि. २५ नोव्हेंबरपासून सुरू होत आहे. हा सोहळा शिव मारुती मंदिर, उंदीरगाव आउंट साईट, हरेगाव बसस्थानकासमोर मोठ्या श्रद्धा-भावनेतून आयोजित करण्यात आला आहे.

✨ दैनिक कीर्तन कार्यक्रमाचे वेळापत्रक

२५ नोव्हेंबर – ह.भ.प. अमोल महाराज गाढे, २६ नोव्हेंबर – ह.भ.प. अनंता महाराज काळे, २७ नोव्हेंबर – ह.भ.प. संदिपानजी महाराज, २८ नोव्हेंबर – ह.भ.प. स्वाती ताई महाराज हापसे, २९ नोव्हेंबर – माऊली महाराज गुंजाळ, ३० नोव्हेंबर – ह.भ.प. विश्वनाथ गिरी महाराज, १ डिसेंबर – ह.भ.प. नारायणी महाराज वाकचौरे व २ डिसेंबर – महोत्सवाची भव्य सांगता

सप्ताहाच्या कालावधीत दररोज पहाटे काकड आरती, सकाळी ७ वाजता ज्ञानेश्वरी पारायण, दुपारी ४ वाजता हरिपाठ, तसेच रात्री ७ ते ९ वाजता हरिकीर्तन असे धार्मिक उपक्रम पार पडणार आहेत. यावेळी ह.भ.प. माऊली महाराज गुंजाळ हे व्यासपीठ चालक म्हणून कार्यभार सांभाळणार आहेत.

दि. २ डिसेंबर रोजी मठाधिपती (सरला बेट, श्रीक्षेत्र गोदावरी धाम) ह.भ.प. रामगिरी महाराज यांच्या उपस्थितीत भव्य रथयात्रा मिरवणूक काढण्यात येणार आहे. त्यानंतर काल्याचे कीर्तन व महाप्रसाद यांसह उत्सवाची सांगता करण्यात येईल. या पवित्र हरिनाम सप्ताहात सर्व श्रद्धावानांनी सहभागी व्हावे, असे आवाहन संयोजक मंडळातर्फे करण्यात आले आहे.