चिंचोलीच्या स्कूल कमिटी अध्यक्षांची निर्णायक कामगिरी, विद्यालय परिसर सुशोभीत, मात्र इमारत ?

राहुरी / बाळकृष्ण भोसले - तालुक्यातील चिंचोली येेेथील प्रवरा ग्रामीण शिक्षण संस्थेच्या स्व. जनार्दन काळे पा. माध्यमिक व कनीष्ठ महाविद्यालयाच्या परिसराचे रूपडे पालटल्याचे चित्र सध्या पहावयास मिळत आहे. मोकळ्या मैदानावर लावण्यात आलेल्या विविध वृक्षारोपणाने परिसर नीटनेटका व ग्रामस्थांचे लक्ष वेधून घेणारा झाला असल्याने पालक बरोबर विद्यार्थी वर्गातून समाधान व्यक्त होत आहे. नव्याने नेमणूक झालेल्या या शाळा समितीचे अध्यक्ष गणेश लाटे या युवकाच्या बरोबरच इतर सदस्यांंच्या संकल्पनेतूून साकारलेला हा मनमोहक परिसर लक्षवेधी ठरला आहे.

शिक्षण घेण्यासाठी शालेय परिसर नीटनेटका, स्वच्छ, सुशोभित, व निसर्गरम्य असला तर विद्यार्थीही मन मोकळेपणाने व मनापासुन शिकत असतो. तशी पुर्वापार या विद्यालयाची निकालाची परंपरा उत्कृष्ट राहिली आहे. गुणवत्तापूर्ण शिक्षणाची कास काल, आज, नी उद्या कायम राखली असल्याने या विद्यालयात चिंचोली बरोबर इतर आसपासच्या गावातील विद्यार्थी शिक्षणासाठी आवर्जुन प्रवेश घेतात. ही गुणवत्तेची परंपरा अखंडीत राहावी म्हणून अध्यक्ष गणेश लाटे बरोबर सहकारी व शिक्षक वर्ग मनापासुन प्रयत्न करताना दिसतात.

मात्र सन 82-83 ला स्थापन झालेले हे विद्यालय परिपूर्ण असावे यासाठी विद्यालयाला भव्य इमारत असावी असा आग्रह ग्रामस्थांमधुन व्यक्त होत आहे. या विद्यालयानंतर इतर शाळांच्या इमारती बांधण्यात आल्या. मात्र येथे ग्रामस्थांच्या लोकवर्गणीतून बांधलेल्या खोल्यातच अद्याप विद्यार्थी शिक्षण घेतात. याकामी नव्याने अध्यक्षपदी विराजमान झालेल्या लाटे यांनी प्रयत्न करण्याची गरज असल्याचे ग्रामस्थांमधून कुजबूजले जात आहे.

टिप्पणी पोस्ट करा

0 टिप्पण्या