गाव तसं चांगलचं, पणं --- श्रेयवादात थांबलं?

बाळकृष्ण भोसले

राहुरी - तालुक्यातलं सर्वच क्षेत्रात या ना त्या कारणावरून नेहमीच चर्चेत राहिलेलं खेडेवजा गावं म्हणून जरी ओळख असली तरी चाणाक्ष जून्या जाणत्या गावकारभाऱ्यांनी यथावकाश तालुक्यातचं नव्हे तर जिल्ह्याच्या नकाशात विकास कामात ठळक अक्षरात नोंद केलेलं गावं 'चिंचोली'. पुढारलेलं विकासात्मकतेचा कीत्ता गिरवलेलं म्हणूनचं प्रमुख गणनेतललं 'बारा पोरांची चिंचोली' 'अ' वर्गातल पणं कालौघात हि ओळख पुसतं चाललीय का कायं असा प्रश्न निर्माण करणारं...

नुकतचं सोसायटीचं इलेक्शन झालं, इलेक्शन बिनविरोध झालं त्याला झालरही तशीच आहे म्हणा - तंटामुक्त गाव अभियान समितीची निवड होण्याअगोदर गावातील ज्येष्ठ श्रेष्ठ मंडळी एकत्र बसली विचारांती नावावर एकमत झालं नि येथून पुढे शक्यतो गावच्या निवडणूका टाळून बिनविरोधचा प्रस्ताव पारित झाला, समोरचं सोसायटी आली नि उमेदवारी अर्जाची जणू बरसातच झाली. डॉ. बाबुराव दादा तनपुरे हयात असताना नि माजी खा. तनपुरेंच्याही अधिपत्याखाली गावची सोसायटी, ग्रामपंचायत त्याकाळी राहिली नंतर मात्र प्रवरेच्या पात्रातून बक्कळ पाणी वाहून गेलं व गाव विखे पाटलांच्या अधिपत्याखाली आलं. पद्मभूषण बाळासाहेब विखे पा. तद्नंतर माजी मंत्री राधाकृष्ण विखे पा. यांना मानणारा मोठा गट गावात तयार झाला. सोसायटी व ग्रामपंचायतीत दोन्ही विखे गट आमनेसामने राहतात. यंदा मात्र जालिंदर काळे गटाने सोसायटीचा इलेक्शन खर्च वाचून गाव एकत्र राहील या उद्देशाने आपला संपूर्ण पँनलचं मागे घेतला व दुसऱ्या गटाला सत्ता दिली. 

मात्र म्हणतात ना नेत्यापेक्षा कार्यकर्ते जास्त हवेत इथं मात्र उलटं झालं, नेतेच जास्त तिथ ऐकायचं कुणी अध्यक्ष, उपाध्यक्ष निवडले खरे पणं आता उरला श्रेयवादाचा लढा 'एक गावं बारा भानगडी' चा कित्ताच गिरवला गेला. निवडणूक अधिकाऱ्यांच्या उपस्थितीत पदाधिकाऱ्यांच्या सत्कार समारंभात श्रेयवादाचा वाद उफाळलाचं दुसऱ्या गटाने सपशेल माघार घेऊन आपल्याला बिनविरोध सत्ता मिळाली हे जणू विसरुन अधिकाऱ्यासमोरच शाब्दिक बाचाबाची समोर आली.

     'अस वागणं बर नव्हं' अशा प्रतिक्रिया गावातून उमटत आहेत. सात, आठ महिन्यावर ग्रामपंचायत निवडणूक आलीयं. नेत्यांच्या जास्त भरण्यामुळे ग्रामपंचायत बिनविरोधचा ठोका चुकतोयं की कायं असाही सूर सध्या ग्रामस्थांमधून आळवला जात आहे.

ता.क.

दर रविवारी आम्ही 'कुजबूज' हे सदर चालवणार असून आठवड्यातील घडामोडीचा संक्षिप्त आढावा यानिमित्ताने ग्रामस्थांसमोर मांडणार आहोत. यात कुणाची मन अथवा इतर काही दुखवण्याचा अजिबात नक्कीच हेतू नाही. पणं गाव एकदिलाने व सर्वसमावेशक चालावं हाच एकमात्र हेतू यापाठी आहे.