पुण्यश्लोक अहिल्यादेवी होळकर यांना अभिवादन

अहमदनगर/ जावेद शेख : बीड जिल्ह्यातील मेंढपाळ समाजामध्ये जागृती करण्यासाठी भटकंती करणार्या मेंढपाळ बांधव व माता भगिनींच्या हस्ते बीड येथे पुण्यश्लोक आहिल्यादेवी होळकर, राजे यशवंतराव होळकर, राजे मल्हारराव होळकर यांना अभिवादन करण्यात आले.

समाजामध्ये जनजागृती झाली पाहिजे यासाठी अनेक दिवसांपासून प्रकाश सोनसळे यांनी पुढे येऊन हा उपक्रम सुरू केला आहे. बीड येथील पुण्यश्लोक आहिल्यादेवी होळकर, राजे मल्हारराव होळकर, राजे यशवंतराव होळकर यांना अभिवादन करण्यासाठी मेंढपाळ यांना निमंत्रित करण्यात आले होते. नेतेमंडळी, अधिकारी, कर्मचारी यांच्या हस्ते अभिवादन न करता एक मेंढपाळाच्या हस्ते हा अभिवादनाचा कार्यक्रम घेण्यात आला. हा क्षण ही वेळ आम्ही कधीच विसरू शकत नाहीत, अशा भावना या मेंढपाळानी व्यक्त केल्या.

यावेळी महादेव रुपनर, विक्रम सोनसळे, राजूताई सोनसळे, आकाश नरोटे, प्रकाश नरोटे, लिंबाजी महानवर, भारत गायके, नारायण भोंडवे, प्रकाश रुपनर, चंद्रशेखर तागड, सुधाकर वैद्य, अंकुश गवळी, रमेश शिंदे, शीतल मतकर, सोनसळे दिदी, मतकर भैय्या, लक्ष्मण खरात, अश्वलिंग बरे, वैध भैय्या आदी समाज बांधव उपस्थित होते.