क्रिडा क्षेत्रात उल्लेखनीय कामगिरी करणारे खेळाडूंचे व प्रशिक्षकांचे गुणवंत क्रीडा पुरस्कार जाहिर

सन 2019-20 चे जिल्हा क्रीडा गुणवंत पुरस्कार जाहीर

अहमदनगर/ जावेद शेख : महाराष्ट्र शासन, शालेय शिक्षण व क्रीडा विभाग, शासन निर्णय क्र. राक्रीधो -2012/प्र.क्र.158/12/क्रीयुसे-2 दि. 16/10/2017 अन्वये जिल्ह्यातील उत्कृष्ट क्रीडापटू, क्रीडा मार्गदर्शक व क्रीडा संघटक / कार्यकर्ता यांच्या कार्याचे मुल्यमापन होऊन त्यांचा यशोचित गौरव व्हावा या हेतूने सन 2002-03 या वर्षापासून जालना जिल्ह्यातील उत्कृष्ट क्रीडापटू, क्रीडा मार्गदर्शक व क्रीडा संघटक/कार्यकर्ता यांना शासनाच्या वतीने जिल्हा क्रीडा गुणवंत पुरस्कार देण्यात येत आहे. शासन निर्णयाप्रमाणे पुरस्काराचे स्वरूप प्रमाणपत्र, स्मृतीचिन्ह व रोख रू. 10,000/- चा समावेश आहे.

जिल्हा गुणवंत क्रीडा पुरस्कार 2019-20 साठी या कार्यालयास अर्ज प्राप्त झालेला हेाते, सदर अर्जाची छाननी करून सर्वोच्च गुण प्राप्त केलेल्या खालील खेळाडू, मार्गदर्शक व कार्यकर्ता यांची निवड जिल्हा क्रीडा गुणवंत पुरस्कार 2019-20 साठी निवड झालेली आहे.

निवड झालेले गुणवंत पुढील प्रमाणे मयुर जनार्धन पिवळ होते. (जिल्हा क्रीडा गुणवंत खेळाडू पुरस्कार (पुरूष) तायक्वांदो), कु. प्रांजल जनार्धन पिवळ (जिल्हा क्रीडा गुणवंत खेळाडू पुरस्कार (महिला) तायक्वांदो), सचिन रतन आर्य (जिल्हा क्रीडा गुणवंत मार्गदर्शक पुरस्कार, तायक्वांदो), शेख चाँदपाशा जानिमिया (शेख चाँद पी.जे.) (जिल्हा क्रीडा गुणवंत कार्यकर्ता पुरस्कार).
सदर जिल्हा क्रीडा गुणवंत पुरस्कार 2019-20 वितरण राजेशभैय्या टोपे, पालकमंत्री, जालना यांच्या शुभहस्ते होणार आहे. जिल्हा क्रीडा गुणवंत पुरस्कार 2019-20 साठी निवड झालेल्या सर्वाचे जिल्हा क्रीडा कार्यालयाच्य वतीने हार्दिक अभिनंदन करण्यात आले. अशी महिती जालना जिल्ह्याच्या क्रिडा अधिकारी सौ सुहासिनी देशमुख यांनी दिली.

टिप्पणी पोस्ट करा

0 टिप्पण्या