नाताळ व नववर्षानिमित्त "समता स्पोर्टस् क्लब" ने आयोजित केलेल्या स्पर्धा कौतुकास्पद - अरुण पा. नाईक

अहमदनगर/ जावेद शेख : खेळाला प्रोत्साहन देण्याच्या उद्देशाने बेलापूर येथील समता स्पोर्टस् क्लबने नाताळ व नव वर्षाचे निमित्त साधुन सायकल स्पर्धाचे केलेले आयोजन हे निश्चितच कौतुकास्पद आहे असे मत काँग्रेसचे तालुकाध्यक्ष अरुण पा. नाईक यांनी व्यक्त केले.

नाताळ व नव वर्षाच्या निमित्ताने दरवर्षी प्रमाणे या ही वर्षी सायकल स्पर्धेचे आयोजन करण्यात आले होते त्या वेळी बक्षिस वितरण करताना ते बोलत होते. यावेळी प्रमुख अतिथी म्हणून जनता अघाडीचे अध्यक्ष व खटोड पतसंस्थेचे चेअरमन रविंद्र खटोड, भरत साळूंके, ज्येष्ठ पत्रकार देविदास देसाई, बाजार समितीचे संचालक सुधीर नवले, सेवा संस्थेचे चेअरमन अनिल नाईक, विलास मेहेत्रे, भाऊसाहेब कुताळ, सुधाकर खंडागळे आदी मान्यवर उपस्थित होते.

यावेळी बेलापुर ते रामगड व परत बेलापुर अशी सायकल स्पर्धा आयोजित करण्यात आली होती, या स्पर्धेत अहमदनगर येथील शशिकांत आवारे यांनी प्रथम क्रमांकाचे सायकल व रोख पाचशे रुपयाचे पारितोषिक मिळविले. शिरसगांव येथील राहुल देशमुख याने द्वितीय क्रमांकाचे रोख २२२२ रुपयाचे पारितोषिक मिळविले, पाथर्डी येथील तुकाराम मरकड यांनी तृतीय क्रमांकाचे रुपये ११११ रुपयाचे बक्षिस मिळविले, निमगाव खैरी येथील कैलास सोनवणे यांनी चतुर्थ क्रमांकाचे ७७७ रुपयांचे पारितोषिक मिळविले तर करजगांवचे चैतन्य कोल्हे याने उत्तेजनार्थ रुपये ५५५ रोख पारितोषिक मिळविले.

मान्यवरांच्या उपस्थितीत पारितोषिक वितरण समारंभ पार पडला या वेळी ग्रामपंचायत सदस्या स्वाती अमोलीक, बाबुलालाभाई, शफीक आतार, शहनवाज सय्यद, आरपीआयचे सागर खरात, समता स्पोर्टस् क्लबचे विजय शेलार, संजय शेलार, सुहास शेलार, बंन्टी शेलार, रमेश शेलार, बाबासाहेब शेलार, संतोष शेलार, अक्षय शेलार, रोहीत शेलार, प्रसाद शेलार, संकेत शेलार, सुयश शेलार, निनाद शेलार, ललित शेलार, निशिकांत शेलार, रामा उमाप आदींसह ग्रामस्थ उपस्थित होते. या कार्यक्रमाचे सूत्रसंचालन संजय शेलार यांनी केले तर विजय शेलार यांनी आभार मानले.