श्रीगोंदा/ सुभाष दरेकर : तालुक्यातील हिरडगाव येथे आयोजित करण्यात आलेल्या अत्यंत चुरशीच्या अंतिम क्रिकेट सामन्यात बेलवंडी संघाने श्रीगोंदा संघाला ७ धावांनी पराभूत केले आहे.
हिरडगाव मध्ये शिवशक्ती क्रिकेट क्लबच्या वतीने दि. २२ नोव्हेंबर २०२१ रोजी राष्ट्रवादी काँग्रेस पक्षाचे प्रदेश उपाध्यक्ष घनःशाम आण्णा शेलार व नागवडे सहकारी साखर कारखान्याचे माजी व्हा. चेअरमन केशवराव मगर यांच्या हस्ते उद्घाटन करण्यात आले होते. या स्पर्धेत गेल्या आठ दिवसांत ४८ संघाने आपला खेळ प्रदर्शित केला. यामध्ये प्रामुख्याने पाच मोठ्या रक्कमेची व अनेक छोटी बक्षीस देण्यात आली. अंतीम सामन्यात श्रीगोंदा व बेलंवडी यांच्यात अत्यंत चुरशीची लढत झाली. प्रथम बक्षीस ३३ हजार ३३३ रु. केशवराव मगर यांच्या तर्फे जितेंद्र मगर यांच्या हस्ते बेलंवडी संघाला देण्यात आले, व्दितिय बक्षीस राजेंद्र ठकाजी दरेकर व प्रशांत दरेकर यांच्या तर्फे २२ हजार २२२ रु. श्रीगोंदा संघाला देण्यात आले, तृतीय बक्षीस अतुल कोठारे यांच्या तर्फे ११ हजार १११ रु. मांडवगण संघाला देण्यात आले, चतुर्थ बक्षीस दिपक दरेकर यांच्या तर्फे ७ हजार ७७७ रू. चिलवडी संघाने पटकवला तर शिस्तबद्ध संघ म्हणून माऊली यंगर व शिवशक्ती ग्रुप हिरडगाव यांना ६ हजार ६६६ रू. दादासाहेब बनकर यांच्या कडुन देण्यात आले. सर्व विजयी संघाचे केशवभाऊ मगर मित्र मंडळ श्रीगोंदा तालुक्याच्या वतीने जितेंद्र मगर यांनी पुष्पगुच्छ देऊन सत्कार केला.
यावेळी प्रमुख पाहुणे म्हणून युवा नेते जितेंद्र मगर, दत्तात्रय भुजबळ, माजी सरपंच बाळासाहेब शिंदे, माजी सरपंच भालचंद्र दरेकर, माजी सरपंच राजेंद्र दरेकर, माजी उपसरपंच संजय ससाणे, शाळा व्यवस्थापन समितीचे अध्यक्ष सुभाष दरेकर, सतिश भुजबळ, शिवशक्ती क्रिकेट क्लबचे सर्व सदस्य, युवक व हिरडगाव ग्रामस्थांनी सामन्याचा आनंद घेतला.
0 टिप्पण्या