राहुरी प्रीमिअर लीग २०२१-२२ च्या चुरशीच्या अंतिम लढतीत युनिक्स पार्टनर्स विजयी

राहुरी प्रीमिअर लीग स्पर्धेतील प्रथम विजेता संघास पारितोषिक देताना नगराध्यक्ष अनिल कासार, चेअरमन भारत भुजाडी, नगरसेवक बाळासाहेब उंडे, विलास तनपुरे, सूर्यकांत भुजाडी आदि मान्यवर.

राहुरी शहर/अशोक मंडलिक : राष्ट्रवादी काँग्रेस पार्टी व भारत पाटील भुजाडी मित्र मंडळाने आयोजित केलेल्या नामदार प्राजक्तदादा तनपुरे चषक ( राहुरी प्रीमियर लीग) या भव्य क्रिकेट स्पर्धेचा प्रथम विजेता युनिक्स पार्टनर्स ठरला असून ह्या संघाने 71000 रुपयाचे पहिले बक्षीस व होंडा शाईन मोटार सायकल व चषक जिंकून स्पर्धेतील विजेते पद मिळविले. तर उपविजेता लकी वोरिअर्स संघ ठरला असून त्या संघास 51000 रुपये रोख व चषक व 5 ग्रॅम सोन्याची अंगठी मिळवली.

7 डिसेंबर ते 13 डिसेंबर 2021 दरम्यान वाय एम सी अ मैदानावर भव्य क्रिकेट स्पर्धा घेण्यात आली. या स्पर्धेत 12 संघांनी सहभाग घेतला होता. सदर स्पर्धा 

आयपीएल सारख्या नामांकित स्पर्धेच्या धरतीवर आधारित भरवण्यात आली होती. स्पर्धेचे हे तिसरे वर्ष आहे. संघातील खेळाडू हे लिलाव पद्धतीने मार्गदर्शक भारत भुजाडी यांच्या मार्गदर्शना खाली निवडण्यात आले.

स्पर्धेचे उद्घाटनप्रसंगी राहुरी मर्चंट नागरी पतसंस्थेचे चेअरमन भारत भुजाडी, नगराध्यक्ष अनिल कासार, नगरसेवक बाळासाहेब उंडे, माजी उपनगराध्यक्ष सूर्यकांत भुजाडी, नगरसेवक मुज्जू कादरी, जिल्हा परिषद सदस्य धनंजय गाडे, नगरसेवक राहुलभैैय्या शेटे, सलीमभाई शेख उपस्थित झाले.

युनिक्स पार्टनर्स राहुरी व लकी वॉरियर्स राहुरी या दोन संघांमध्ये अंतिम लढत अतिशय चूरशीची झाली. ही लढत पाहण्यासाठी राज्यमंत्री प्राजक्त तनपुरे हे आपल्या व्यस्त कार्यक्रमातून खेळाडूंना उत्तेजन देण्यासाठी खास 2 तास मॅचचा आनंद लुटत होते.

या स्पर्धेतील विजेते संघ पुढील प्रमाणे :-

• स्पर्धेचे प्रथम पारितोषिक 71000 रुपये व आकर्षक Honda shine टू व्हीलर गाडी युनिक स्पार्टन राहुरी या संघाने मिळवली.
• द्वितीय पारितोषिक 51 हजार रुपये व पाच ग्रॅम सोन्याची अंगठी ही लकी वॉरियर्स संघाने मिळवली.
• तृतीय पारितोषिक 35000 रुपये व आकर्षक एलईडी टीव्ही श्रीराम दत्त संघाने मिळवली.
• चतुर्थ पारितोषिक पंचवीस हजार रुपये व आकर्षक रेसिंग सायकल दयावान इलेव्हन संघाने मिळवली.
• या स्पर्धेतील बेस्ट बॅटसमन मोसिन सय्यद ठरला, मॅन ऑफ द सिरीज नवोदित खेळाडू अभिजीत पागिरे ठरला, बेस्ट आयकॉन मुन्ना शेख बेस्ट आयडॉल, योगेश कानडे, बेस्टफील्डर कैलास गुंजाळ.

पारितोषिक वितरण राहुरी मर्चंट नागरी पतसंस्थेचे चेअरमन भारत भुजाडी, नगराध्यक्ष अनिल कासार, माजी उपनगराध्यक्ष सूर्यकांत भुजाडी, नगरसेवक बाळासाहेब उंडे, नगरसेवक शहाजी ठाकूर, नगरसेवक, विलास तनपुरे, नगरसेवक मुज्जू कादरी, इंजी.परेश सुरणा, दिलीप गोसावी, सौरभ उंडे, धनंजय म्हसे, राष्ट्रवादी विद्यार्थी काँग्रेसचे अध्यक्ष ओंकार कासार त्याच प्रमाणे पत्रकार संजय कुलकर्णी, राजु म्हसे आदी मान्यवर उपस्थित होते.

याप्रसंगी नगराध्यक्ष अनिल कासार यांनी आपले मनोगत व्यक्त केले. स्पर्धा यशस्वी पार पडावी म्हणून अथक परिश्रम घेतलेल्या आर पी एलचे राजू शेख, रेलकर सर, मोसिन सय्यद, नागेश पवार, राहुल कसाब, इस्माईल शेख, बाबा बर्डे, कैलास गुंजाळ ह्यांनी प्रयत्न केले.

13 डिसेंबर रोजी खेळविण्यात आलेल्या फायनल साठी नामदार प्राजक्त तनपुरे यांनी हजेरी लावली. आणि त्यावेळेस दादांचे क्रिकेट वरचे प्रेम दिसून आले. पायाला मोठी दुखापत झालेली असून सुद्धा व हातामध्ये सलाईन साठी लावलेले सिरिंज तसेच घेऊन ना. तनपुरे क्रिकेट मॅच चा आनंद घेत होते. खेळाडूंच्या प्रत्येक चौकार सिक्स व विकेट ला दाद देत होते. याप्रसंगी त्यांनी तालुक्यातील सर्व युवा खेळाडुंना मोलाचे मार्गदर्शन केले.