अर्पिता जाधव व साइशा कळसाइत यांची राज्यस्तरीय कबड्डीसाठी निवड

श्रीरामपूर [ बाबासाहेब चेडे ] : तालुक्यातील हरिगाव येथील स्वराज स्पोर्ट्स स्कूल व करिअर अकॅडेमीच्या विद्यार्थिनी कु.अर्पिता जाधव व कु.साइशा कळसाइत यांची परभणी येथे होणाऱ्या राज्यस्तरीय कबड्डी स्पर्धेसाठी अहमदनगर जिल्हा कबड्डी संघात निवड झाली आहे.

दोन्ही विद्यार्थी हरिगावच्या असून त्यांना प्रा. सुनील गाडेकर व शफिक सय्यद यांचे मार्गदर्शन लाभले. हरिगाव परिसरात त्यांचे सर्वत्र कौतुक होत असून स्वराज क्लबचे अध्यक्ष अविनाश काळे, सचिव प्रा. सुनील गाडेकर, हरिगाव ग्रामपंचायत सर्व सदस्य व परिसरातील नागरिकांनी त्यांचे अभिनंदन केले.