भाषण म्हणजे काय ?

 प्रभावी भाषणाच्या काही स्टेप आहेत .

१.न घाबरता स्टेज वर येणे.

२.स्टेज वर येऊन स्वतःचे विचार न घाबरता मांडणे.

३.आणि ते न घाबरता मांडलेले विचार लोकांना समजणे.

४.आपल्या विचार प्रक्रियेत लोकांना सहभागी करून 

     घेणे.

5.ज्या विषयावर आपण बोलत आहोत त्यात लोकांचे    

     मत परिवर्तन करणे.

६.आणि मत परिवर्तन करून ती गोष्ट करण्यासाठी 

    लोकांना प्रेरित करणे.

–-----------------------------------------------------------------

भाषण ही एक कला आहे ती आत्मसात करता येते.खूप वेळा असे होते की आपण कोणाचे तरी भाषण ऐकतो आणि आपल्या मनात इच्छा निर्माण होते आपल्याला ही असे बोलता आले तर.....

       पण मित्रांनो कोणत्या ही गोष्टीत फक्त इच्छा असून चालत नाही तर पक्का "इरादा" पाहिजे.

       पाच सहा मित्रांमध्ये अगदी पोपटासारखे बोलणारे आपण स्टेज वर गेलो की आपल्या पोटात गोळा येतो,हातात माईक आला की हात-पाय थंड पडतात आणि चेहऱ्यावर घाम सुटतो, बोबडी वळायला सुरवात होते बरोबर ना....

       जोपर्यंत आपण खाली पब्लिक मध्ये बसलेलो असतो तो पर्यंत आपल्याकडे खूप काही असते बोलायला पण जेव्हा स्टेज वर जाऊन ते बोलायची वेळ येते तेंव्हा मात्र आपण समोर पब्लिक पाहून सगळे काही विसरून जातो माईक हातात येईपर्यंत शब्दांनी आपली साथ सोडलेली असते बरोबर ना.....अस म्हणतात...

        "शब्द असतील सोबतीला तर

              बोलत येत कसं ही,

          मनाचं अंतरंग खोलात येत कसं ही"

भाषणात तीन गोष्टी फार महत्वाचा असतात 

१.शब्द

२.आवाज

३.देहबोली

आणि या तीन ही गोष्टी प्रत्येकाकडे असतात .गरज असते ती फक्त त्यांना विकसित करण्याची त्यासाठी हवे योग्य मार्गदर्शन आणि काही क्लुप्त्या .

       प्रत्येक व्यक्ती ला भाषण करता येणे, बोलता येणे ही काळाची गरज आहे आणि ती गरज आपण योग्य वेळीच ओळखली पाहिजे. असे म्हणतात....

  "बोलणाऱ्याची माती पण विकली जाते

    न बोलणाऱ्याचे सोने सुद्धा विकले जात नाही"

क्षेत्र कोणतेही असो......

                       "भाषण शिका......

                                       विकसित व्हा....."

    ---------------------------------------------------------------