यावेळी नाशिक धर्मप्रांत महागुरुस्वामी बार्थोल बरेटो यांनी या रविवारचे महत्व सांगताना प्रतिपादन केले की "आज आपण झावळ्यांचा रविवार मोठ्या भक्तिभावाने साजरा करीत आहोत. हा दिवस आनंद व दुःख या दोन्ही भावनांचा संगम आहे. एका बाजूला आपण यरुशलेममध्ये झालेला विजयी प्रवेश पाहतो. जिथे लोक होसान्नाच्या घोषात त्याचे स्वागत करतात. तर दुसऱ्या बाजूला काही दिवसातच त्याच प्रभू येशूला क्रुसावर खिळवले जाते आणि तीच गर्दी येशूला क्रुसावर खिळा असे ओरडताना दिसते. ही घटना आपल्या मनाला योग्य वाटत नाही. आपल्याला स्वतःला विचारण्यास भाग पाडते. आपली श्रद्धा खरोखर दृढ आहे का ? की ती परिस्थितीनुसार बदलणारी आहे ? येशूचा यरुशलेममध्ये प्रवेश हा केवळ एक ऐतिहासिक प्रसंग नाही तर तो आपल्या जीवनातील एक जिवंत संदेश आहे. तो आपल्याला शिकवतो की खरे महानत्व हे सत्तेत किंवा शक्तीत नसून नम्रतेत आणि सेवाभावात असते. आपल्या जीवनात जेव्हा अडचणी संकटे किंवा दुःख येते तेव्हा आपण अनेकदा खचतो, तक्रार करतो, देवावर रागावतो परंतु आजचा संदेश आपल्याला शिकवतो की दुःखाच्या क्षणीही देवावर विश्वास ठेवणे हीच खरी श्रद्धा आहे. देव कधीही आपल्याला सोडत नाही उलट तो आपल्या दुःखात आपल्याला अधिक जवळून साथ देतो "
दि. 2 एप्रिल रोजी आज्ञा गुरुवार असून प्रमुख याजक रे फा.डॉमनिक रोझारिओ, प्रवचनकार फा अँड्र्यू जाधव, रात्री 8 वा.पवित्र साक्रामेंट स्थलांतर व साक्रामेंट भक्ती होणार आहे. सर्वानी त्यास सहभागी व्हावे असे आवाहन संयोजकांनी केले आहे.
0 टिप्पण्या