श्रीरामपूर | बाबासाहेब चेडे : भूमी फाउंडेशन महाराष्ट्र राज्य ही सामाजिक संस्था सुप्रसिद्ध मराठी सिनेअभिनेत्री अलकाताई कुबल यांच्या प्रेरणेतून आणि तरुण समाजसेवक प्रा कैलास पवार यांच्या संकल्पनेतून 2 ऑक्टोबर महात्मा गांधी जयंती दिनी लोकसहभागातून जन सर्वांगीण विकास हे ब्रीदवाक्य घेऊन स्थापित झाली आहे.
संस्था स्थापनेपासून शैक्षणिक क्षेत्र, सामाजिक क्षेत्र आणि ग्रामीण भाग, अनाथ निराधार मुलं, विधवा निराधार महिला, निराधार वृद्ध, तृतीयपंथी समाज आपत्तीच्या काळात राज्यभर विविध ठिकाणी अत्यावश्यक मदत, गरीब विद्यार्थ्यांना शैक्षणिक मदत, असंघटित कामगारांच्या मुलांकरिता उत्कृष्ट कार्य इत्यादी स्वरूपाचे उल्लेखनीय कार्य संस्था सातत्याने करीत आहे. महाराष्ट्राचे आराध्य दैवत श्री छत्रपती शिवाजी महाराज यांच्या जयंती निमित्त इयत्ता तिसरी ते सातवी या वयोगटाकरिता राज्यस्तरीय ऑनलाईन वकृत्व स्पर्धा घेण्यात आली होती.
या स्पर्धेत राज्यभरातून विद्यार्थ्यांचा मोठ्या प्रमाणात प्रतिसाद मिळाला असून यामध्ये निवड समितीद्वारे निकाल जाहीर झाला. यामध्ये राज्यात प्रथम क्रमांक स्वानंदी अनिल शहाणे 6 वी वैजापूर जिल्हा संभाजीनगर, द्वितीय क्रमांक संजना सुरेश नावडकर, इयत्ता 6 वी, जिल्हा पुणे, तृतीय क्रमांक कुमार आयुष सुरेश भंडारे इंद्रायणी नगर भोसरी पुणे या विजेत्या स्पर्धकांना येणाऱ्या आगामी कार्यक्रमात सन्मानित करण्यात येणार आहे, अशी माहिती संस्थेचे अध्यक्ष कैलास पवार यांनी माध्यमांशी बोलताना दिली आहे.
सर्व विजेत्या स्पर्धकांचे भूमी फाउंडेशन महाराष्ट्र राज्य सामाजिक संस्थेच्या सर्व पदाधिकारी यांच्या वतीने अभिनंदन करण्यात आले असून सहभागी स्पर्धकांना देखील प्रमाणपत्र दिले जाणार आहे असे अहमदनगर जिल्हा समन्वयक भीमराज बागुल आणि प्रसिद्धीप्रमुख बी .आर.चेडे यांनी माहिती दिली.
0 टिप्पण्या