पुणे : जागतिक महिला दिनाच्या निमित्त समाजामध्ये स्त्री शक्तीच्या उत्कृष्ट कार्याचा संतुलन कष्टकरी शेतकरी महिला परिषद या संस्थेच्या वतीने सन्मान करण्यात येतो. यावर्षी सामाजिक न्याय विभाग व समाज कल्याण पुणे येथील सहाय्यक आयुक्त संगीता डावखर ह्या नुकत्याच स्त्री अस्मिता पुरस्काराने सन्मानित झाल्या असून श्रीमती डावखर या प्रशासकीय सेवेत 2008 साली रुजू झाल्या. आपल्या प्रशासकीय कारकीर्दीत अनेक चांगले उपक्रम राबवून समाजासाठी उत्कृष्ट आणि उल्लेखनीय कार्य डावखर यांनी केले आहे.
पुणे जिल्हा येथील तृतीयपंथी समाजाकरिता उल्लेखनीय कार्य, विद्यार्थ्यांची स्कॉलरशिप, महाविद्यालयाचे विविध प्रश्न तसेच सामाजिक न्याय विभागाच्या विविध योजना बाबत जनजागृती, विविध कार्यशाळा राबवीत सदैव न्याय देण्याच्या भूमिका सातत्याने घेतल्या आहे. श्रीमती डावखर यांनी केलेल्या उल्लेखनीय कार्याची विविध ठिकाणी दखल घेत पुणे जिल्हा येथे सन्मान करण्यात आला आहे. या सन्मानाबाबत भूमी फाउंडेशन महाराष्ट्र राज्य या सामाजिक संस्थेच्या सर्व पदाधिकाऱ्यांनी श्रीमती डावखर यांचे अभिनंदन केले आहे.
0 टिप्पण्या