श्रीरामपूर ( बाबासाहेब चेडे ) : समाजात काम करत असतांना दिव्यांग व्यक्तिंकरिता विशेष शाळा असतात. याबाबत आम्ही अनभिज्ञ होतो. आज डाॅ.नम्रता यांच्या वाढदिवसाच्या निमित्ताने प्रत्यक्ष मूकबधिर प्रवर्गातील दिव्यांगाची जीवनशैली, शैक्षणिक प्रणाली व त्यांना समाज जीवनात येणार्‍या समस्या व त्याचे परिमार्जन करण्यासाठी विद्यालयाचे संस्था पदाधिकारी, शिक्षक व शिक्षकेत्तर कर्मचारी घेत असलेल्या विविध सामाजिक उपक्रम नक्कीच दिव्यांग क्षेत्राकरिता दिपस्तंभाचे कार्य करत आहे. शरिराचा समतोल राखण्यासाठी किडणी महत्वाची असते तसेच दिव्यांग क्षेत्राकरिता मूकबधिर विद्यालय किडणी सारखी भूमिका पार पाडत आहे, असे प्रतिपादन प्रसिध्द मूत्रविकार तज्ञ डाॅ.निलेश सदावर्ते यांनी आपले आरोग्य आपली समस्या कार्यक्रमाच्या अध्यक्षस्थानावरून केले.
श्रीरामपूर मूकबधिर विद्यालयात विद्यार्थ्याच्या आरोग्यविषयक प्रकल्पांअंतर्गत आपले आरोग्य आपली समस्या व दंतआरोग्य विषयक काळजी या कार्यक्रमाचे आयोजन करण्यात आले होते. कार्यक्रमासाठी दंत आरोग्यतज्ञ डाॅ.नम्रता सदावर्ते, प्रेमजी रतनसी पटेल हायस्कूलचे दिनेश तरटे, मूकबधिर विद्यालयाचे मूख्याध्यापक संतोष जोशी, वैद्यकिय सामाजिक अधिकारी संजय साळवे यांची प्रमूख उपस्थिती होती.
याप्रसंगी डाॅ.नम्रता सदावर्ते यांनी विद्यार्थ्यांना दाताची काळजी कशी घ्यावी, आहार विहार कसा असावा, दाताचे शरिरातील महत्व, दात व आपले आरोग्य या विषयांवर स्लाइड शोच्या माध्यमातून सविस्तर माहिती दिली. डाॅ. नम्रता सदावर्ते यांच्या वाढदिवसानिमित्त मूकबधिर विद्यार्थ्यांना नोटबूक व ड्राॅईंग बूक आणि पौष्टिक फळांचे वाटप करण्यात आले. कार्यक्रमाचे प्रास्तविक व सूत्रसंचालन संजय साळवे यांनी केले. स्वागत संतोष जोशी यांनी केले तर आभार दिपक तरकासे यांनी मानले.
0 टिप्पण्या