अहमदनगर जिल्हा पुरोहित मंडळाची कार्यकारिणी जाहीर

अहमदनगर / जावेद शेख : पुरोहित वर्गासाठी व ब्राह्मण समाजासाठी नेहमीच सातत्याने सेवा करत असलेले अहमदनगर जिल्हा पुरोहित मंडळ व अहमदनगर जिल्हा ब्राह्मण सेवा संघाचे नाव घेतले जाते. आतापर्यंत अनेक प्रकारचे उपक्रम पुरोहित मंडळाने यशस्वीरीत्या पार पाडले आहेत. आणि सर्वात महत्त्वाचे म्हणजे ह्या पुरोहित मंडळाची कार्यकारिणीचा पाच वर्षाचा कार्यकाळ पूर्ण झाल्याने ऐतिहासिक अहमदनगर शहरातील गायत्री मंदिरात बैठकीचे नियोजन करण्यात आले होते. परंतु सर्व पदाधिकारी व सदस्य हजर नसल्याने हजर असलेल्या सभासदांनी सर्वानुमते हि कार्यकारिणी बिनविरोध घेण्याचे ठरवले आणि जिल्हा कार्यकारिणी जाहीर करण्यात आली. प्रसाद गुरु यांनी प्रास्ताविक करून जिल्हा कार्यकारिणी घोषित केली.

या कार्यकारिणी मध्ये जिल्हाध्यक्ष म्हणुन श्री किशोर जोशी यांची फेरनिवड करण्यात आली असून नवीन कार्यकारिणी पुढील प्रमाणे जाहीर केली. नरेंद्र खिस्ती उपाध्यक्ष, श्रीहरी कुलकर्णी सचिव, निलेश धर्माधिकारी खजिनदार, जिल्हा कार्यकारिणी सदस्य पुढील प्रमाणे अक्षय चिंधाडे, निवास बडवे, मुकुंद मुळे, पुरुषोत्तम जोशी, सागर गोवर्धन, प्रसाद जोशी, कमलेश शेवाळे या प्रमाणे जिल्हा कार्यकारिणी असेल असा ठराव मंजूर करण्यात आला.

यावेळी आनंदा जोशी, सुनिल कुलकर्णी, अनिल जोशी, सुनिल जोशी, मकरंद भट, भास्कर कडेकर, श्रीकांत जोशी आदी पदाधिकारी उपस्थित होते. यावेळी नुतन जिल्हाध्यक्ष किशोर जोशी यांनी सांगितले की लवकरच जिल्ह्यातील सर्व तालुक्यामध्ये तालुका कार्यकारिणी जाहीर करुन अहमदनगर जिल्ह्यातील पुरोहित व समाजाच्या समस्या सोडविण्यासाठी प्रयत्न करणार आहे. प्रसाद गुरु जोशी यांनी सर्व सभासदांचे स्वागत केले व आभार मानले.