श्रीरामपूर ( बाबासाहेब चेडे ) : ई.पी.एस - ९५ राष्ट्रीय संघर्ष समितीचे राष्ट्रीय अध्यक्ष कमांडर अशोक राऊत यांचे नेत्तृत्वाखाली १८ एप्रिल रोजी शिर्डी येथे होणा-या इपीएस 95 पेन्शन धारकांच्या राष्ट्रीय मेळाव्याचे निमंत्रण नगर दक्षिण चे खासदार सुजय विखे पाटील व आमदार बबनराव पाचपुते यांना ई.पी.एस - ९५ राष्ट्रीय संघर्ष समितीचे अहमदनगर जिल्हाध्यक्ष संपतराव समिंदर व श्रीगोंदा तालुकाध्यक्ष भगवानराव वाळके आप्पा यांनी दिले.
त्याप्रसंगी खा. सुजय विखे म्हणाले की तुमच्या पेन्शन वाढीचा प्रश्न लोकसभेत चर्चेसाठी टाकलेला आहे, १८ एप्रिल ला शिर्डी येथे होत असलेल्या राष्ट्रीय मेळाव्यासाठी केंद्रीय अर्थमंत्री ना.निर्मला सितारामण यांना निमंत्रण देण्यासाठी पुढील आठवड्यात आपले शिष्टमंडळ घेऊन दिल्ली मध्ये या. तुमच्या बरोबर मी स्वतः येईल व अर्थमंत्री सीतारामन व कामगार मंत्री भूपेंद्र यादव यांची भेट घेऊन राष्ट्रीय मेळाव्यास उपस्थित राहण्याचे त्यांना निमंत्रण देण्यात येईल असे आश्वासन खा. डॉ सुजय विखे पाटील यांनी दिलेे.
श्रीगोंदा तालुका पेन्शनर संघटनेने खासदार सुजय विखे यांचे आभार व्यक्त केले. त्याप्रमाणे पेन्शनर संघटना पदाधिकारी पश्चिम भारत संघटक सुभाष पोखरकर समवेत 5 एप्रिल रोजी शिर्डी येथून नवी दिल्ली साठी रेल्वेने रवाना होणार आहेत.
1 टिप्पण्या
अतिशय सुंदर कार्यक्रमाचे नियोजन चालू आहे
उत्तर द्याहटवाधन्यवाद