आंदोलन कर्त्यांनी दिलेल्या प्रसिद्धी पत्रकात म्हटले आहे कि, १ जानेवारी २०१६ ते ३१ ऑक्टोबर २०२० या ५८ महिन्यांची थकबाकी शासकीय, निमशासकीय इतर विभागामधील पात्र कर्मचारी, तसेच उच्च व तंत्रशिक्षण विभागांतर्गत कार्यरत अभिमत विद्यापीठे, तंत्रशास्त्र विद्यापीठे, तंत्रज्ञान संस्था व त्यांच्या संलग्नित महाविद्यालयीन आणि अशासकीय अनुदानीत महाविद्यालयीन शिक्षकेतर कर्मचाऱ्यांना ज्याप्रमाणे देण्यात येणार आहे. त्याप्रमाणे अदा करण्यात यावी. शासकीय कर्मचाऱ्यां प्रमाणे महाविद्यालयीन व विद्यापीठीय शिक्षकेतर कर्मचाऱ्यांना पाच दिवसांचा आठवडा लागू करण्याचा निर्णय त्वरीत निर्गमित करण्यात यावा. अकृषी विद्यापीठातील उर्वरित ७९६ पदांचा सातवा वेतन आयोगाच्या सुधारीत वेतन संरचनेचा शासन निर्णय तात्काळ निर्गमित करणे.
शासन निर्णयानुसार तदर्थ पदोन्नती मिळालेल्या कर्मचाऱ्यांना पदोन्नती पदांचे निवृत्ती वेतन देण्यात यावे. २००५ नंतर नियुक्त कर्मचाऱ्यांना जूनी पेंशन योजना लागू करावी. अकृषी विद्यापीठ व महाविद्यालयीन शिक्षकेतर कर्मचाऱ्यांची रिक्त पदे भरण्यास मंजूरी द्यावी. तसेच इतर मागण्यांसाठी आंदोलन करण्यात आले.
प्रसिद्धी पत्रकावर मुख्य संघटक अजय देशमुख, डाॅ. नितीन कोळी, डाॅ. पुरणचंद्र मेश्राम, रावसाहेब त्रिभुवन, प्रसाद राणे, आनंदराव खामकर, प्रवर्तक डाॅ. दिनेश कांबळे, डाॅ. प्रविण मस्तुद, मुरलीधर सातव, समन्वयक मिलींद भोसले, दिपक मोरे, प्रकाश म्हसे तसेच विठ्ठल लांबे, दत्तात्रय कोहकडे, प्रफुल्ल तनपूरे, महेंद्र वने, आबासाहेब थोरवे, जगन्नाथ इंगळे, सुभाष जेजुरकर, अशोक बिडगर, ज्ञानेश्वर कपिले, दिगंबर जगधने, राजेंद्र जाधव, मनिषा मेहेत्रे, जालिंदर मुसमाडे, संजय गुलदगड, अमोल भालसिंग, उत्तम ठोकळे, तात्यासाहेब बडधे, संदिप निकम, राजेंद्र मोरे, संदिप खडके विशाल लोहार, लक्ष्मण जगधने, मनोज डोंगरखोस आदिंच्या सह्या आहेत.
0 टिप्पण्या