शिरसगावांत वारंवार बिबट्याचे दर्शन; वनखात्याचे दुर्लक्ष

श्रीरामपूर | बाबासाहेब चेडे : तालुक्यातील शिरसगाव येथे एकाच ठिकाणी गेल्या 3 ते 4 वर्षांपासून तेथील नागरिकांना शेतकऱ्यांना सतत बिबट्या वावरताना दिसून येतो. तसेच त्याचे दोन चार बच्छडे सुद्धा मोठे झाल्याने वावरताना आढळून येतात. अनेक वेळा तक्रारी करून देखील त्याची गांभीर्याने दखल घेतल्या जात नाही असे परिसरातील रवी पवार यांनी सांगितले.

सोमवारी पहाटे 4 चे सुमारास कुत्रे भुंकताना समजले. त्यावेळी त्यात एक कुत्र्याचे पिल्लू होते, ते आज आढळून आले नाही. त्याचा शोध घेतला असता ते नेहरू बकाल यांच्या चिक्कूच्या बागेत मृत अवस्थेत सापडले. या आधी अनेक शेळ्या, कुत्रे खाल्ले आहेत. दिनकर यादव यांना रात्रीच्या वेळी काही दिवसांपूर्वी दिसल्याचे सांगितले. यामुळे शेतकरी, मजूर, महिला, विद्यार्थी, यामध्ये दहशतीचे वातावरण आहे. तरी तहसीलदार श्रीरामपूर, लोकप्रतिनिधी यांनी वेळीच दखल घेऊन बिबट्याचा शोध घेऊन बंदोबस्त करावा, व कायम आश्रय असलेल्या उसाजवळ पिंजरा लावण्यात यावा. मोरगे वस्तीजवळ झालेल्या दुर्घटना सारखी पुनरावृत्ती होऊ नये अशी नागरिकांची अपेक्षा आहे.