बाळकृष्ण भोसले
राहुरी - तालुक्यातील चिंचोली येथील प्रवरा ग्रामीण शिक्षण संस्थेच्या काळे पा. विद्यालयाचा दहावीचा निकाल लागला, यंदा कोरोनाच महाभयंकर संकट असतानाही व विद्यार्थ्यांना तसेच शिक्षकांना अवघे काही दिवस मिळूनही आपली उज्वल निकालाची परंपरा कायम राखत 96.25 टक्के निकाल लावत ग्रामीण भाग काही कमी नाही हे अधोरेखीत केले आहे. या घवघवीत यशामुळे या विद्यालयाच्या मुख्याध्यापकासह सर्व शिक्षक व शिक्षकेतर कर्मचारी अभिनंदनास नक्कीच पात्र आहेत.
कोरोनाचे ते महाभयंकर दिवस गेले परंतू ते त्याच्या पाऊलखुणा मागे ठेवत मग ती महागाई, बेरोजगारी, कोरोना नंतरच्या विविध शारिरीक व्याधी, शैक्षणिक अधोगती आदी समस्यांच्या गर्तेत मानवी जीवनाला ढकलून देत या समस्या मानवाला पुढे किती दिवस घेउन जगाव लागेल याचा मागमूस आज सांगणे कठीण आहे. मात्र यातुनही काही जिद्द व आत्मविश्वास बाळगणारी मंडळी आहेत म्हणून तर ते समाजाला नेहमी प्रेरणा देत असतात.
चिंचोलीच्या माध्यमिक व कनिष्ठ महाविद्यालयातील शिक्षक असेच जिद्दी व आत्मविश्वासाने परिपूर्ण म्हणावे लागतील. कोरोनात अख्ख जग बंदिस्त असताना आपल्या विध्यार्थ्यांचा विचार करणारे व नियमीत शाळा सुरु झाल्यानंतर अभ्यासक्रम कसा पूर्ण करायचा हाच विचार मनात बाळगणारा शिक्षक असल तर... मग त्याची तयारीही केली व कोरोना नंतर मिळालेल्या अवघ्या तीन महिन्याच्या अल्प कालावधीत तसेच अल्प सामुग्रीत अभ्यासक्रम पूर्ण केला. मात्र तो सहजपणे विद्यार्थ्यांच्या लक्षात राहण्याजोगा नि तोच फायदा परिक्षेत विद्यार्थ्यांना झाल्याचे एकंदरीत निकाल पाहता लक्षात येते.
परंपरेप्रमाणे याही वर्षी मुलींचाच प्रथम क्रमांक आला हे वेगळ सांगायला नको, हे विद्यालय स्थापनेपासुन हा अधिक उच्चांकी बहुधा दूसरा निकाल असावा तर प्रथम श्रेणीत या विद्यालयाचे जवळपास सोळा विद्यार्थी आले आहेत. गुणवत्ता सुधारतेय याचा प्रत्यय यातुन येतो. ग्रामीण भागातील विद्यार्थी शहरी भागातील विविध क्लास लाऊन गुणवत्तेत येणार्या विद्यार्थ्यांच्या बरोबरीने येतो आहे, हेच या शिक्षकांनी दाखवून दिले आहे. या त्यांच्या उत्कृष्ट कामगिरीचे कौतुक करावे तेवढे थोडे आहे.
0 टिप्पण्या