राज्यस्तरीय योजनेअंतर्गत गोवर्धन गोवंश सेवा केंद्र या सुधारित योजनेच्या अंमलबजावणीसाठी प्रस्ताव सादर करण्याचे आवाहन

अहमदनगर/ मधुकर म्हसे : राज्यस्तरीय योजनेअंतर्गत गोवर्धन गोवंश सेवा केंद्र या सुधारित योजनेच्या अंमलबजावणीसाठी प्रस्ताव सादर करण्याचे आवाहन अहमदनगर पशुसंवर्धन विभागाचे उपायुक्त डॉ सुनील तुंबारे यांनी केले आहे.

दिलेल्या प्रसिद्धी पत्रकात म्हटले आहे की, शासन निर्णय क्र. पविआ- १०१८/ प्र.क्र.३२/ पदुम -३, मुंबई- ३२, दि .०८/ ०३/ २०१९ मध्ये नमुद केल्याप्रमाणे राज्यस्तरीय योजनेअंतर्गत सुधारित गोवर्धन गोवंश सेवा केंद्र या योजनेसाठी शासन निर्णयात नमूद केल्याप्रमाणे १३९ महसूली उपविभागातून पात्र गोशाळांचे अर्ज मागविण्यात येत आहेत. योजनेचा उद्देश, लाभार्थी गोशाळेच्या निवडीच्या अटी व शर्ती, लाभार्थी निवडीची प्रक्रीया तसेच योजनेचा विहित नमुन्यातील अर्ज अनुषंगिक कागदपत्रे इ. बाबतची सविस्तर माहिती www.ahd.maharashtra.gov.in या संकेतस्थळावर उपलब्ध करुन देण्यात आलेली आहे.

इच्छुक पात्र गोशाळांनी विहित नमुन्यातील अर्ज आपल्या जिल्ह्याच्या जिल्हा पशुसंवर्धन उपआयुक्त कार्यलयाकडे दि. ०६/०४/२०२२ पर्यंत सादर करावेत. आयुक्त पशुसंवर्धन कार्यालयाकडे थेट सादर केलेले तसेच ई - मेल किंवा तत्सम द्वारे सादर केलेले अर्ज ग्राह्य धरले जाणार नाहीत, अशी माहिती दिली आहे.