विद्यार्थ्यांनी आत्मविश्वासाने परीक्षेला सामोरे गेल्यास यश नक्कीच मिळेल- डॉ. शुभम महाराज कांडेकर

श्रीरामपूर / बाबासाहेब चेडे : खा गोविंदराव आदिक ग्रामीण शिक्षण संस्थेच्या न्यू इंग्लिश स्कूल, निमगांवखैरी या विद्यालयात एस.एस.सी मार्च २०२२ च्या विद्यार्थ्यांचा शुभचिंतन सोहळा नुकताच संपन्न झाला.

कार्यक्रमाच्या अध्यक्षस्थानी माजी प्राचार्य बबनराव तागड होते. प्रमुख पाहुणे म्हणून उंबरगावचे सुपुत्र व दिल्ली विद्यापीठाचे सिनेट सदस्य डॉ. शुभम दिलीप कांडेकर महाराज होते. शिक्षकांनी दिलेल्या ज्ञानाच्या शिदोरीवर विद्यार्थ्यांनी प्रयत्न केल्यास यश हमखास मिळते. त्यासाठी मात्र आपल्याला परीश्रम व मेहनत करावीच लागते असेही त्यांनी सांगितले.

डॉ. कांडेकर महाराज यांनी अतिशय ग्रामीण भागात राहुन एम.ए., एम.एस्सी, सेट, पी.एच.डी., बी.एड, एम.बी.ए.या सारख्या पदव्या प्राप्त केलेल्या असुन ते  महाराष्ट्रभर किर्तन, प्रवचन करतात. किर्तन तेथे वृक्षारोपण हा त्यांचा विशेष प्रकल्प आहे. सोशल सर्व्हिस  फाऊंडेशन व श्री.इंपेक्स फर्निचर माॅलचे अविनाश कुदळे यांच्या वतीने इ.१०वी च्या ६५ विद्यार्थ्यांना लेखन पॅडचे व खाऊचे वाटप करण्यात आले.

सदर प्रसंगी उपजिल्हा ग्रामीण रुग्णालयाचे डॉ.तोफिक शेख, आरोग्य मित्र सुभाष गायकवाड, अध्यक्ष तागड, प्रसन्ना धुमाळ, सुरज सुर्यवंशी, संचित आदिक हे उपस्थित होते. या मान्यवरांच्या हस्ते वृक्षारोपण करण्यात आले. प्रमुख पाहुण्यांचा सत्कार पुस्तक व वृक्ष रोपटे देऊन करण्यात आला तसेच इ.१० वी च्या विद्यार्थ्यांतर्फे विद्यालयास ट्राँफी ठेवण्याचे कपाट भेट म्हणून देण्यात आले. अध्यक्ष निवड कटारे अनुमोदन श्रीम.गायके, प्रस्तावित व पाहुण्यांचा परीचय शेलमकर तर आभार बनकर यांनी मानले. सुत्रसंचलन ठुबे यांनी केले. कार्यक्रम यशस्वी करण्यासाठी विद्यालयातील सर्व शिक्षक-शिक्षिका व शिक्षकेत्तर कर्मचारी यांनी परिश्रम घेतले.

टिप्पणी पोस्ट करा

1 टिप्पण्या