माजी सैनिक, विधवा पत्नी यांच्या मुलींच्या लग्नासाठी आर्थिक अनुदान मिळण्याबाबतच्या नियमात सुधारणा

अहमदनगर - केंद्रीय सैनिक बोर्ड, नवी दिल्ली यांच्या पूर्वीच्या आदेशानुसार माजी सैनिक, विधवा पत्नी त्यांचे पहिल्या दोन मुलींच्या जन्मतारखेच्या ज्येष्ठतेनुसार लग्नासाठी आर्थिक अनुदान मिळण्यास पात्र होते. आता हे स्पष्ट करण्यात येत आहे की, पात्र माजी सैनिक, विधवा पत्नी यांचे जास्तीत जास्त दोन मुलींसाठी वय व जन्माची ज्येष्ठता विचारात न घेता विवाहासाठी आर्थिक मदत देण्यात येणार आहे.

जिल्ह्यातील सर्व माजी सैनिक व विधवा पत्नी यांनी त्यांच्या पात्र पाल्यांचे (मुलींचे) अर्ज www.ksb.gov.in या वेबसाईटवर भरून त्याची प्रिंटेड कॉपी व वेबसाईटवर अपलोड केलेले सर्व मूळ कागदपत्रे तपासणीसाठी जिल्हा सैनिक कल्याण कार्यालय, अहमदनगर येथे सादर करावीत असे आवाहन अहमदनगरचे निवासी उपजिल्हाधिकारी तथा जिल्हा सैनिक कल्याण अधिकारी संदीप निचित यांनी प्रसिध्दीपत्रकाद्वारे केले आहे.