राहुरी शहर/ अशोक मंडलीक : एड्स रोगाविषयीचे गैरसमज दूर करणे, रोग झालेल्या पेशंटला योग्य उपचार देणे व त्यांचे आयुष्य सुकर करणे आणि येत्या 2030 पर्यंत एड्स रोगाचे समूळ उच्चाटन करून भारतातून हा रोग नष्ट करण्याचे उद्दिष्ट असल्याचे प्रतिपादन ए. टी. आर. सेंटर, जिल्हा रुग्णालय, अहमदनगर येथील वरिष्ठ वैद्यकीय अधिकारी डॉ. विक्रम पानसंबळ यांनी केले.
1 डिसेंबर, 2021 या दिवशी पुण्यश्लोक आहिल्यादेवी होळकर कृषि महाविद्यालय, हाळगाव या महाविद्यालयात राष्ट्रीय सेवा योजनेच्यावतीने जागतिक एड्स दिनाच्या निमित्त जनजागृती कार्यक्रम आयोजित करण्यात आला होता. या वेळी डॉ. पानसंबळ हे प्रमुख पाहुणे म्हणून बोलत होते. या कार्यक्रमाच्या अध्यक्षस्थानी महाविद्यालयाचे सहयोगी अधिष्ठाता डॉ. मिलिंद अहिरे उपस्थित होते.
याप्रसंगी डॉ. अहिरे तसेच राष्ट्रीय सेवा योजनेचे स्वयंसेवक कुमारी असलेशा डमरे व आकाश पितळे यांनी आपले मनोगत व्यक्त केले. या कार्यक्रमाच्या वेळी उपस्थितांचे स्वागत व कार्यक्रमाचा उद्देश महाविद्यालयाचे विद्यार्थी कल्याण अधिकारी डॉ. सखेचंद अनारसे यांनी सांगितला. प्रस्ताविक राष्ट्रीय सेवा योजनेच्या कार्यक्रम अधिकारी प्रा. कीर्ती भांगरे यांनी केले. या कार्यक्रमाला महाविद्यालयाचे डॉ. मनोज गुड, डॉ. प्रेरणा भोसले, अनिल शेळके, सौ. अंजली देशपांडे, सौ. वैशाली पोंदे व सौ. ज्योती सासवडे उपस्थित होते. सूत्रसंचालन राष्ट्रीय सेवा योजनेचे स्वयंसेवक कुमारी मंजिरी पाटील यांनी केले तर उपस्थितांचे आभार स्वयंसेवक महेश जाधव यांनी मानले.
0 टिप्पण्या