थेरगाव येथील पंचवीस-तिस मानवी वस्तीचे भुसारे कुंटुबिय गावापासून दीड किलोमीटर अंतरा वर आपल्या शेतात एक – दुसऱ्या लगतच वस्ती करून राहतात. शुक्रवारी,१ रोजी दिवसभराचे काम उरकून जेवणानंतर पावसाचा अंदाज लक्षात घेऊन गुराढोरांना गोठ्यात बांधुन सर्वजण साडेअकरा वाजेच्या सुमारास झोपी गेले. तोच जोरदार पावसाला सुरवात झाली.अन् भुसारे वस्तीवर कडकडाट आवाज करीत लक्ष्मणराव भुसारे यांच्या अंगणातील लिंबाच्या झाडावर वीज कोसळली. त्याच्या आवाजाने वस्तीवरील सर्वजण भेदरले, काही कळण्या अगोदर पुन्हा शंभर फुट अंतरावरील लिंबाच्या झाडावर दुसरी वीज कोसळली.
सर्व जण झोपेतून जागे झाले, पाहताच घरातील विज गायब असताना ही सर्वांचे पंखे, मोबाईलचे चार्जर, टि.व्ही, खांबावरून घरात घेतलेले विद्युत वायर पुर्णत: जळाले, जिवित्तहानी झाली नसली तरी काकासाहेब भुसारे, लक्ष्मण भुसारे, तुळशीराम भुसारे, शिवाजी भुसारे, बापुराव भुसारे आदीं ची हजारो रुपयांची हानी झाली. दोन्ही लिंबाचे खोड पूर्णत: मध्यभागातून तुटून होरपळले गेले शंभर फुटाच्या अंतरात भर वस्तीत दोन विजा पडल्या हि घटना दिवसा घडली असती तर मोठा अनर्थ घडला असता असे, लक्ष्मण भुसारे यांनी सांगितलं आहे.
