राहुरीतील ‘त्या’ चिमुकल्यांच्या शिक्षणाची जबाबदारी डॉ. मकासरे यांनी स्विकारली

राहुरी प्रतिनिधी : कोरोनामुळे आईचे छत्र हरपले अन् वडीलही अपंग अशा वेळी नातेवाईक अथवा कोणाचाही आधार नसलेल्या राहुरी शहरातील चिमुकल्या बहीण-भावंडाची शिक्षणाची जबाबदारी राहुरी येथील सामाजिक कार्यकर्ते डॉ.विजय मकासरे यांनी स्वीकारून त्यांना दिवाळी सणाच्या दिवशी फराळ व कपडे भेट देऊन सामाजिक बांधिलकी जपली आहे.

डॉ.मकासरे यांनी दिवाळी सणाच्या दिवशी गोरगरीब व निराधार कुटुंबाना फटाके, कपडे इतर मदत देण्याचा संकल्प केला असता राहुरी शहरातील लक्ष्मीनगर भागात चिमुकले बहीण भावंडे हिरमसुलेल्या अवस्थेत दिसून आले. त्यांची आई ही कोरोना रोगाशी लढा देत असताना मृत्यूमुखी पावली आहे. तर वडीलही अपंग असल्याने सर्वकाही अधांतरी असल्याने डॉ.मकासरे यांनी त्या बहीण भावंडाना जवळ घेऊन कपडे, फराळ व इतर मदत सुपूर्त केली.