राष्ट्रीय स्तरावरील कृषी अलर्ट-२०२१ पुरस्काराने श्री सिद्धगिरी कृषी विज्ञान केंद्र सन्मानित

परमपूज्य अदृश्य काडसिद्धेश्वर स्वामीजी ( चेअरमन श्री सिद्धगिरी कृषी विज्ञान केंद्र, कणेरीमठ ) यांच्या मार्गदर्शनाखाली गेले ३ वर्षापासून सदर केंद्र कार्यरत असून, नैसर्गिक शेती व कृषी विस्तार कार्यासह इतर समाज माध्यमांचा प्रभावीपणे वापर करून कृषी तंत्रज्ञान प्रसारात मोलाची कामगिरी करत आहे. सदर पुरस्कार शाश्वत शेती पद्धती, नैसर्गिक शेती, देशी गोवंश संवर्धन व त्यावर आधारित शेती पद्धती व पोषण मूल्यावर आधारित शेतीमधील विशेष कार्यासाठी प्रदान करण्यात आला. सदर पुरस्कार श्री सिद्धगिरी कृषी विज्ञान केंद्र, कणेरीचे वरिष्ठ शास्त्रज्ञ व प्रमुख डॉ. रवींद्र सिंह यांनी स्वीकारला.