आरोग्य

लाईफ इन हॉस्पिटल करणार दिव्यांग रुग्णांवर सवलतीत उपचार – धनंजय पानसंबळ

लाईफ इन मल्टीस्पेसिएलिटी हॉस्पिटल, राहुरी येथे दिव्यांगाचे सर्व रोग निदान शिबीर संपन्न

राहुरी : येथील लाईफ इन हॉस्पिटल, दिव्यांग शक्ती सेवा संस्था व मराठा एकीकरण समिती यांच्या संयुक्त विद्यमाने 3 ऑगस्ट रोजी दिव्यांगासाठी चे सर्व रोग निदान शिबिर संपन्न झाले. या शिबिरास उत्स्फूर्त प्रतिसाद मिळाला.

कार्यक्रमाचे अध्यक्षस्थानी सेवानिवृत्त पोलीस निरीक्षक म्हाळु पाचारणे होते तर प्रमुख उपस्थितीत सेवानिवृत्त मेजर सोपानराव पागिरे, सेवानिवृत्त शिक्षक बाबुराव शिंदे, दादासाहेब मोरे, हॉस्पिटलचे संचालक धनंजय पानसंबळ, डॉ मंगेश बागडे, मराठा एकीकरण समितीचे संस्थापक समन्वयक तथा शिवसेना तालुकाध्यक्ष देवेंद्र लांबे पाटील, दिव्यांग शक्ती सेवा संस्थेचे अध्यक्ष मधुकर घाडगे, सल्लागार सलीमभाई शेख आदी उपस्थित होते.

प्रास्ताविकात मधुकर घाडगे यांनी सांगितले लाईफ इन हॉस्पिटल हे 24 तास सुरू असून डॉ नीरज मोरे हे या हॉस्पिटल मध्ये सेवा देण्यास कटिबद्ध आहेत. महात्मा ज्योतिबा फुले जनआरोग्य योजना तसेच कॅशलेस उपचार सुविधा, मुख्यमंत्री सहायता निधी कक्ष, तज्ञ डॉक्टर्स व स्टॉप एका ठिकाणी सर्व आजाराचे निदान व उपचार उपलब्ध आहेत. तसेच चार बेडचे डायलिसिस सेंटर असून विविध योजने मधून मोफत डायलिसिस सेवा मिळत आहे.

देवेंद्र लांबे पाटील यांनी बोलतांना म्हटले की, मराठा एकीकरण समितीच्या माध्यमातून हॉस्पिटल मधील ज्या रुग्णांच्या जेवणाची सोय होत नसेल त्यांना जागेवर जेवणाची सुविधा पुरवणार आहोत. तसेच लवकरच राहुरी तालुक्यात मराठा भवन उभारणार आहोत. त्यात दिव्यांगाच्या विरंगुळा केंद्रासाठी तळमजला राखीव ठेवण्यासाठी प्रस्ताव तयार करण्यात येईल. राहुरी तालुक्यात शासनाच्या सर्व वैद्यकीय योजना लाईफ इन हॉस्पिटल येथे उपलब्ध करून दिल्याबद्दल संचालक धनंजय पानसंबळ व डॉ.मंगेश बागडे यांचे आभार मानले.

लाईफ इन हॉस्पिटलचे संचालक धनंजय पानसंबळ यांनी या प्रसंगी दिव्यांग बांधवांसाठी उपचारात ४०% सवलत व औषधांमध्ये २०% सवलत देण्याचे जाहीर केले. कार्यक्रमाचे अध्यक्ष म्हाळू पाचारणे हे म्हणाले की लाईफ इन हॉस्पिटल येथे मी स्वतः उपचार घेतलेले आहे. हॉस्पिटल मधील सेवा देणारे कर्मचारी देवदूत बनून रुग्णांची सेवा करत आहेत. या प्रसंगी प्रमुख पाहुण्यांच्या हस्ते दिव्यांग बांधवांना रेल्वे पासचे वाटप करण्यात आले.

कार्यक्रमाचे सूत्रसंचालन प्रहारचे जिल्हा समन्वयक आप्पासाहेब ढोकणे यांनी केले. कार्यक्रम पार पाडण्यासाठी डॉ.मंगेश बागडे, महेंद्र शेळके, गौरव जाधव व प्रहार दिव्यांग संघटनेचे तालुकाध्यक्ष योगेश लबडे, तालुका सचिव दत्तात्रय खेमनर, संपर्क प्रमुख रवींद्र भुजाडी, तालुका संघटक राजेंद्र आघाव, अनामिका हरेल, सुखदेव कीर्तने, भारत आढाव व आभार तालुका सचिव दत्तात्रय खेमनर यांनी मानले.

क्रांतीनामा टीम

"क्रांतीनामा" एक महाराष्ट्रातील चालु घडामोडी प्रसिद्ध करणारे अग्रेसर संकेतस्थळ आहे. वाचकांना राज्यातील राजकीय, सामाजिक, क्रिडा क्षेत्रातील चालू घडामोडी पुरवणे हा "क्रांतीनामा" चा मुख्य उद्देश आहे.

Related Articles

Back to top button