◾उपमुख्यमंञी अजित पवार यांच्याकडे निवेदनाव्दारे मागणी
विलास लाटे / पैठण : जि.प.बांधकाम विभागातील कार्यकारी अभियंता या पदाचा कारभार जि.प. बांधकाम उपविभाग सिल्लोड येथील उप अभियंता के.एस.भोसले यांना इतर सेवाजेष्ठ अभियंता यांना डावलुन व आर्थिक व्यवहार करुन नियमबाह्य अतिरिक्त कारभार देण्यात आलेला आहे. तसेच के.एस.भोसले हे जि.प. अध्यक्ष यांचे चुलत भाऊ आहेत. त्यामुळे इतर सेवाजेष्ठ अभियंता यांच्यावर अन्याय करुन राजकीय दबाव आणुन त्यांना नियमबाह्य अतिरिक्त कारभार देण्यात आलेला आहे. कार्यकारी अभियंताचा अतिरिक्त कार्यभार रद्द करण्यात यावा अशी मागणी राज्याचे उपमुख्यमंञी अजित पवार यांच्याकडे मुंबईत निवेदन देऊन करण्यात आली असल्याची माहिती अखिल भारतीय छावा मराठा युवा संघटनेचे युवक जिल्हाध्यक्ष किरण काळे यांनी प्रसिद्धी पञकाद्वारे दिली आहे.
चक्क जि.प.अध्यक्ष यांच्या चुलत भावाला पदभार देण्याचा उद्देश फक्त आणि फक्त भ्रष्टाचार करण्यासाठी तसेच ठेकेदार व नेतेमंडळी यांचे खिसे भरण्यासाठी श्री.भोसले यांना अतिरिक्त पदभार देण्यात आलेला आहे. सदरील पदभार देण्यात आल्यामुळे औरंगाबाद जिल्हा परिषद बांधकाम विभागातील ४९ सेवाजेष्ठता असलेल्या अभियंत्यावर अन्याय होऊन त्यांना मिळणाऱ्या जि.प. बांधकाम विभागातील कार्यकारी अभियंता यांच्या अतिरिक्त पदापासून वंचित ठेवण्यात येत आहे.
या सर्व प्रकरणामध्ये अध्यक्षांच्या अवती भोवती फिरणारे हे अधिकारी व कर्मचारी आहेत. शिवाय या कर्मचाऱ्यांनी जि.प. अंतर्गत प्रत्येक विभागात भ्रष्टाचार सुरु केलेला आहे. त्यामध्ये उप मुख्य कार्यकारी अधिकारी (सामान्य प्रशासन) यांचा वरदहस्त आहे. यापुढे भविष्यात ही मंडळी काय करेल याची शास्वती नाही. जसे की, निकृष्ठ दर्जाच्या कामाचे बोगस बिले काढणे, भ्रष्टाचार करणे, न केलेल्या कामांची बोगस बिले काढणे अशा विविध प्रकारे भ्रष्टाचार करण्यात येईल. अध्यक्षांना व मर्जीतील ठेकेदारांना सोयीस्कररीत्या श्री.भोसले यांच्या मार्फत कंत्राटसह ई-टेंडर मॅनेज करुन देण्यासाठी त्यांना अतिरिक्त कारभार देण्यात आला असल्याचा आरोप दिलेल्या निवेदनात केला असुन तात्काळ कारवाई करण्यात यावी अशी विनंती निवेदन देऊन करण्यात आली आहे.
अ. भा. छावा संघटना तिव्र आंदोलन छेडणार…
जि. प. बांधकाम विभागातील कार्यकारी अभियंता या पदाचा कारभार उप अभियंता श्री. के. एस. भोसले यांना इतर सेवाजेष्ठ अभियंता यांना डावलुन व आर्थिक व्यवहार करुन नियमबाह्य अतिरिक्त कारभार देण्यात आलेला आहे. श्री.भोसले हे जि. प. अध्यक्ष यांचे चुलत भाऊ आहेत. त्यामुळे इतर जेष्ठ अभियंता यांच्यावर अन्याय करुन राजकीय दबाव आणुन त्यांना नियमबाह्य अतिरिक्त कारभार देण्यात आलेला आहे. राजकीय दबामुळे कारवाई न झाल्यास अ. भा. छावा संघटना तिव्र आंदोलन करून जेवाजेष्ठ अभियंता यांना न्याय मिळवुन देणार आहे.
– किरण काळे, युवक जिल्हाध्यक्ष, अ. भा. छावा संघटना
