आडगाव जावळे येथे विद्युत शाॅक लागून गायीचा मृत्यू

अधिक माहीती अशी की, आडगाव जावळे शिवारात असलेल्या कृष्णा मेंटन खडी क्रेशर वरून खदानित वीज पुरवठा करण्यासाठी जमीनीत केबल पुरून वीज नेली होती. परंतु सध्या सुरू असलेल्या पावसाने ते केबल उघडे पडून कट झाले होते. 

याच दरम्यान गावातील एक पशुपालक स्वतःची पाळीव जनावरे नहराच्या पाळीवर चरायला नेले होते. दुपारी रिमझिम पाऊस सुरू झाल्याने जनावरांना अडोसा सापडत असताना एका गाईचा येथे असलेल्या उघड्या केबलला स्पर्श झाला. विद्युत प्रवाहाचा धक्का लागल्यामुळे गाईच्या हांबरड्याने गाईच्या मालकाने तात्काळ घटनास्थळ गाठले असता त्यांना गाईचा मृत्यू झाल्याचे दिसून आले. या घटनेमूळे गाईच्या मालकाचे वीस-पंचवीस हजार रुपयाचे नुकसान झाले आहे.